Aters

 Yura t: lhasan Butssaid Usam

Sawln iyi dagh fellak sskwtin iyi d

SSvuddvn i tergit n umarg g tasa nu

Surrin iyi s idvgam

Imerzvig ns d imim

Sdiwn d ul inu da sgengh ad sunfun

Syagasn tiggest lli s nenna jjin t!

Smuddan iyi s usekka d nafazvn,

Ggammigh ad rwlgh,

Ggammigh ad ttugh

Ar ttazzalgh ad nn ittigh

iyi idvfer imannk

 Tasa nu rmigh attvan

Tagudi d takat

Zvuzvdvegh ad sunfugh

Ger ifassen nk

 Aylligh myargh tuggugt

Sazzvn iyi k id

Aylligh ttugh inuraz

Ssekwtin iyi d!

Terzvem t ul inu

Terkest d iman inu

Ighzifn wadvan

Igutn iswingimn,

G aylli dik nezvra,

Is rad neg siman?

Ggutn itran g igenwan

Ur igh amr keyyin zvr

Amzv afus inu

Ad nesmaynu tudert ngh;

S tayri, nesfalki tt

Ad tdder ig nemmut!

Inna upuy amzv afus nk

Nekkin ur dik nmun

Ghar advu sunfu

Tesnupnnut ul nk

Nekkin righ igenwan

Ad mungh d wayyur.