Ameksa

Yaru t: Mhamed Aliluc seg NKOB

Nek d ameksa, ameksa n tudert!

Ameksa, ammas n oari d tagant!

Pan ulli! pan uccen ira tent!

Uskay d ameddakkel inw! d teghruct ghuri!

Nek d ameksa! ameksa n wulli!

Da nekkergh urta a tafuyt tezowiyt!

Sseftugh! g uneqqar ameksu ay ttinigegh!

Inna g llan! afella nnem a dduniyt!

Nek d ameksa! ameksa n ikirwan!

Usigh kem a tissufra! allas idrusen!

Aman g tittott! tabja tamanu!

Iqbi izwar I wulli, nek d umeggaru!

Igdi ammas, ur ipwi ihodaoa ulli!

Tawrut tga ifilu, tuga ayd ttinig,

Nek d ameksa! ameksa n wulli!

Iwigh itnan, I umesku ad yili;

Ar thyyadvgh I waman leghdir

A yulli ad i tent ur swint.

Ula tcant iger n awd yan,

Ula a yuccen i tent immendvr

Ard insey, ur id llin oanday i!!

Nek d ameksa, ameksa n wulli

Iwigh itnan, hdvugh ulli zund arraw

Ar talggat, g tafuyt teghlit

Ughulgh d zarun a yamazir, hennagh

Stigh ikerwan, fergegh as I tewrut

Tcegh k a kan Imensi, s tguni

Mmutgh s its, I yatfut i

Tgezzulm a yidvan ghuri

A yitvs ur k cbiogh! waxxa g lyali

Nek d ameksa, ameksa n tudert

Asekka digh, imkilligh!

Aksuln wussan ghuri!

Allig array walfegh t innemyar i

Pan ulli ku yat s ism nnes baynt i

Ur ttugh awd yat …

Meqqar gigh dderri, a lomer tmezziyt i,

Pan zyama, pan tahbart…

Nek d ameksa, nek d aselmad n tghuri

Iksan g tinmel, ighjden n temgherin

Ameksa g tamzit, ameksa awd ig xatergh

Hdvugh azzan, ig ran ad kcemn ula ffeghn .

Asegmi d umsku I imehdvaren

Nek d ameksa, ameksa n icirran

Rulgh i tmeqqit aghgh nn amda

Rulgh I wulli afegh d irban

Ur ibddil umya xs adghar

Nek d ameksa, nek d aselmad

Zrigh tayssa nnigh ad ghergh

Rulgh I baba ddigh s tinmel

Ar qqargh allig imellul ighf

Nek d ameksa, nek d aselmad

Ikers uqmu, iga yakk ikernanacen

Nnigh ad mzirigh d tussufra d teghruct

Mzirigh d wulli d tnekra n zik

Nek d ameksa, nek d aselmad

Pnnagh gg uccen, d urar n lbal

Ar skargh aynna righ, mzarin ghifi wussan

Ula da toawadgh I twuri matta was

Nek d ameksa, nek d lxuja.

Allig gigh aselmad, zzigh d ameksa

Ameksa ighran, ameksa n icirran

Pan taghruct digh, pan tissufra

Nek d aselmad, nek d ameksa

Pan tawrut n leqqum tqqel zari

Pan tanekra n zik, pan tawuri

nek d ameksa....