Afulki n tmazirt inu

yura t: muhammed arejdal (buyzekarn)

Ur sar km tugh a tamazirt inu

Tuft kraygat anaw n tmizar

Tamazirt inu amu idrarn ad t tuinin

Fatarnt tircag utfl mllulnin

Tamzirt inu ammi izughar ghzifnin

Ghabssant tuga d imndi bughlanin

D ijddign nflulu d talwrdin d lghnbaz

Ur sar tugh tazgzut gh igran

Klanin skraygat anaw ijddign

Ur sar tugh imuzzar n waman mmimnin

D timdwin dranin d issafn ghrdnin

Fatsrus tslit n unzvar azttva ns

Tamazirt inu tfulki, tamazirt inu truda

Pa il! pad aftas! pad tafukt!

Amalu nm aghd tnkr tawja nu

Ar ttalgh afulki nm aram ttini ayyuz

Tayri nm tlla gh ulawn n tarwa nm

Lli zdarnin ad n gin idamn nsn amzvn acbar

rarn krakmid iran sgar

gin afuss gh ufus wana yam iran afulki

ad aln imal nm s wafra d tadrfit d tankra.