Di acal nnem
Yuri t: IFRI (Libya)
S wassn n imezwura
S taghuct n umezruy
Di acal nnem.. a Tafriqit
Tamenkudt n tanfusit
Di acal nnem.. imjadv yefla
Bizventv d Ruma.

Macci imira
Wel nessen
Tanfust n tudert temda?
Nemmet qbel ad nekker
Jujfegh f acal nnem mani yella?
Addu ujenna
Negh nnej f iblem.

Ula
Tira n timula
Yuwi t wari n ilem
Tifra tutva
F ijdi nnem
Djerrvat d tifexsa
Adriz n bunadem.

Day tafelsa
S aghram n ujenna
Ghadi yan-wella
Maca
S timuzgha (nnam)
Dapat ya nemda


Tira ukan
Cfigh imal
Am asklu
Timektit ukan
D mani asefru.

Di timghalin ungal
Dapat cfigh tumast
Idvrisen d idles
D isefra n timast.

Ssligh iles
N bunadem d matta yexs
Sesstnagh fellas
Tarrwa n tinfast.

War s isem
Imerzi f tidett
Iqqen ad utlayegh
F fad nnes.

Xesagh ad sussmegh
Nnj f asays
Cfigh ides
Abekkadv
Inghay n iles.

Dapat… rrnigh urigh
Tasuna n bunadem
D tamettant
Amussu n tidlesant
Gher zdat….