Akabar n ileghman
Yura t: Sghir Oumar
Ireyagg wakal tverent tillas
ssuddan iggenwan ffern wuccan
ineyid wasif yasi d alxix
iherid ikabaren n ileghman
gguden wuccan ruren s isvemdval
ikkasen d uzewu iherran idurar
akend medden ferend s iberdan
willigh sghalen netni is mmuten
nebeddelk a yazemz nna d iddan
nebdu yas i tudert nnegh s tirruyza
nezpu gar ussan ghef ngh izerin
ussan y nusi uccan d ayt mat ngh
neggall as i wesid izellan tillas
a lehher n tudert ghef ngh ikkan
ittughul d ghif sen s imettvawen
nekkad tillas ur nannay ibedan
alliy yagh izela uberid nekka
nefferd s tudert ar apa n tvessva
ar nettannay iggdvadv y isekla
nesemras i teslit n iggenna
terzemagh di wunzvar n teyerza
(Sghir Oumar, amur n ukuc, ass n 07/12/2004)