Sifaw tugha t d ijen n umezdugh zeg imezdagh n tmezgha, d ayujir zeg ussan n temzvi nnes, sifaw ikssi isrusa yarezzu xef min illan nnes di mkur taghmart, maca mermi mma ibed di ca n teghmart ad t dvfaren isemghan ad as inin war da tbedda.Ijen n was usin d ghar s isemghan nnan as: cek ur ghar k bu tesghart ad teksid nigh ad tessarsed. Sifaw attvasv n ifeqqusen i yeksi di tudart nnes s taqsuhi n wussan idammen nnes dewren d aman netta issaregh timessi di arrimet nnes, di ca n ussan tiqqest xef tiqqest tarzugi xef tennidven tesghery it raxart, sifaw di raxart nnes idwer d amsermad remden zzay s inermaden yarezzun xef tesghart, tnifest n sifaw iks it usvemmidv di tmezgha zzat ma ad tezvwa yillen ad tuyur deg umadval, tnifest n sifaw iccat xaf s unzvar s idammen tghemmi d d tirjin wen ixsen ad xaf s iofes ad yecmedv agenfi nnes di raxart nnes