Ixef nnek a y aseggûs

 Yura t: Uhmad Kassu

Yugged y ixef nnek a y aseggûs

Nessuterad ig ghef umdan ameggaz

Ghef Oebbi ad heyyan  ghudan

Teggad iy ssvabt yawi d tiram icnan.

Nnayr a yanyur a keyy

A wenna deg wawa nnes i ttvefen

Teddid...

Andvra dat ak ma tufided kra...

Afgan teghliy tziri nnes

Mayd issudden

Min issududen

Mayd iggaren  tuga

Tega tlalit s tillas tin ifesti.

Nnayer a memmis n wakal

Eooezvan imassen ur dig s awal

Ur qqimin

Ifta wumnay tettel teghnact

Teggra twullutt

Iqqim d usenzegh...

Azul fellanek a yeseggûs

Zeg winni ikettvun advu nnek a yakal

Ssudmen k s udem

Keyy awenna inyan imiren

Tmun d aked ugama

Tezzvudv aseklu nnek d asekkil

Amdan… wines zund imezzviy

Tamnuyt n tqwennac 

Tinnekwent a tiqulla

Urar n tehfurin

Tinnek a bakum...

Ad yighzif  y idv lad ttaggad

Tghver ak tefsut i umugger

A hajuj a yakettuy nnun

A yimezwura s ugerruj

Winnem a  tazegzawt s ssa

Zeg asega ya   

Amdan… d ixef nnes

A tamukrist a tameghlult

Alluz winnes irrvez

Temyagar temmegrazv

Temriy tmara tebriy

Tegwella n ibrin s ssa

S yan ughenja tessew

Agertil nnem a tilawt ittessef...

Tuggided a yixef n useggûs

G iqqen igenna

Tdver tagut inker uzwu

 Zus yuf abrid zvirem a tamurt

Issagh afwa s useman

Yuder memmim a tamzirt tghused

Ssuter ad ssenkernt tnegmiwin nnem Anzvar

Tudert tazvumed

Tannay  tafuyt   s urvaoa

Ad tammer teslit

Tmerz  isghuyy isli

Tezvwa temda ur teqqimi tala

S udem tumvez as tfura

Ghlint tfiras 

Ur da ttinit tucceka tkula...

As tles timelsa nnes 

N taklut s ssa  ad tedder

D  mummu nnem a tudert

Iger ad iger

Aman  isew iggerger

Ad ixsiy usfedv nnek ay inerghi

Terzvem tegdert tagel gher azenzver  

                        nnem a tafuyt

Is nzvan wakucen

Tlul d Coré zeg tyeffart nnek a Hadès

Tekked abudv

Tummer tamurt déméter nnek 

A yamdan  imma nnek tusiy ak

Tessuref

Tesfved imettvawen

Ad tekkes tanurzvimt

S ittel w  awal  nnek a y iles...  

 (Ass n 06/01/04)