 |
Numéro 45, (Janvier 2001) |
|
|
|
Tabrat i ymazighenYura t: Lhussayn Zergi (Ideflawen)(1 Xalid PERFUF) Nek d amazigh! Zdeqqegh adrar, ar ttelghegh ku yass izmulen inw isuddumen idammen… Hayyi min (bla) asirem da ttemtategh… tarwa new g temdinin ffren tifekkiwin nsen g ikunbliten, aglen tikrabatin, qqimen ghef ikwersitien ar ghif i sawalen. Gigh ghur sen ahidus, arrida (danse)… gigh umyey (mythe)… Idles inw iga afulklur! Nitni ar kkaten abeqqa (ils applaudissent) i tussenktiwin (idéologies) d ikkan iwrinn i tmurt, yidles icenti. Wapli (attvas) dig sen ur i ssin, ar saxalen s tutlayin tirumyin… Gan imazighen ghas s uqemmum.
Nek, aha i ymazighen, ur gigh tin n uhidus ula tin n wutci n seksu, ula tin n urrida. Nek d tamagit, d idles, d tilawt (réalité), d imenghan, d aman, d aghrum d usirem n tudert tamaynut. S umata, nek d utm as n tegrawla. Tessnem mayed igan tagrawla? Ur idd tiqunjella (roulades) d ukejjum d wufugh g wawal. Tagrawla iga t ad ttinim "upu"! Upu i tektiwin (idées) awen d isselsan ikunbliten, kwem isghan s tedrimin, ad wen issarden inelliten (cervelles)… Nek, xsegh tarwa new ad ten smunegh g irbi new, sseknegh (montrer) asen iberdan gher imal, gher asirem azedgan. Nek ur gigh d tawargit. Nek d tilawt isduferrun tiwirga nwen. Nek illi s n Tefriqt n ugafa (Afrique du nord), illi s n udrar… Aha ayt tekrabatin! Mmuqqel at udmawen nwen g tisitin, ur tessinem akuker?! (honte). Tarwa nwen ur i ssin, ur asen ghif i tsawalem! Acku kwenni s ighfawen nwem ur i tessinem, ur i tehmilem! Ghas tgam i d agmar (vous avez fait de moi un cheval) iwakken (pour) ad tghulem (arriver) ayenna tram. Nek d tamazight, tudert n wuddur (gloire) i tarwa new! Tudert i weghmis "Tawiza"… Kwenni ur tgim winew, ula gigh tinnun. Ddu yat patin berragh dig wem!!! Ctambir 2000
|
|
