Tinfas n imçyanen

Yura tnt: Saoid Blvarbi

1) Uccn acffar.

2) Azal n waman.

3) Tasklut n ubrid.

4) Tayarçist iccin xizzu.

5) Tayri i Tamzva.

6) Aslm ikd tjäiät.

maymmi tinfasa?

Yus d usqsi ya d amnus awarni ijj n uxarrs imvar di tidt i tddar tskla n isgman niv n imçyanen; iyyara iqqim d amssuci, ayt bab nns ttun t; mammc tetwattu tmçi n imçyanen imazivn di arrif.

Suya d yusa uxarrs di tira i ymçyanen; tira zi xsv ad iniv ira imar n waydud issnta zg imçyanen nsn, d tina d tibratin inu daysnt abarrp n tasyumi i tmçi d twsar nnv.

Tssdl tmddit xf innarn n dcar, imzdav marra iwyi tn yiäã dg ixxamn nnsn.

Yuss d Uccn, iggur itxtuttur jar izvran d ivzëan, mapnd war kids d itkkar yan zg imzdav.

Itpëaëa s cway cwayt, var ijj n uynnar, itwala dinni ijj n uyaçiä.

Inna Uccn dg ixf nns:

-“Ayaçiäa days aksum s waÏÏas, d wa i var acarv, ad t ccv tamdita, mara icÏÏ xafi ca ad t tawyv d amnsi i lwacun inu”.

Ntta izri ad yadf var uynnar nni, ad xafs d twäa ict n tãäart n uçru, tsqsp it, tarz it zg uäar nns.

Yarwr; iggur itqiäar, ar ami yiwä var ifri mani zdvn tarwa nns.

Wami zrin baba tsn Uccn itqiäar; s ijj n uäar, ssqsan t xf min das imsarn, nnan as:

-“Wi dac iggin amya i wäar nnc?”

Yarra xaf sn, inna sn s tiqqst i zi itaca:

-“Marra unni yarzzun ad yacar agra n middn, ad as tmsar ammu; am nnc!”

Uca tuvvi t tyarzawt, iqqim itru imÏÏawn.

** ** ** ** **

2) Azal¹ n waman

Ikkar d Masin zg iäã, iddu var uqbuc iccurn s waman n tisessi, ikks xafs asafs, igga days ifassn; puma ad yaym aman zi var isizdig avmbub nns zi tartiwin n yiäã.

Tzri t id immas, uca tzawar it:

-“Uhu!! war illi ca amnni i das tggn a Masin inu! Aym d aman s ca n ubidun, uca tsyarded zzays udm nnc.

Rxxu aman n uqbuc nni, jypn war illi wi tn var iswn!!”.

ixzaë Masin dg udm n immas, yarra xafs, inna as s tyarzawt:

-Wadm ayi a imma inu, akidm tidt, ommars ad t ggv i twarat nniän. Ula d amslmd nnv iqqar anv dg uvrbaz:

-Aman d inni d azal n tudart, ixã anv ad asn narr taynit, minzi mani war llin waman war dinni bu tudart.

** ** ** ** **

Icuqq d Masin di tbridt n dcar, manis d itk axmi iggur ad iddu var tinml; kur tuffut, yiwä d var tsklut² n tzmmurt d ivmyn xf tama n ubrid.

ixzaë ammu d wammu, i tsla ica n imÏÏawn fsusn, yufa d tasklut nni igg itrun, issqsa tt:

-Min cm yuvin a tasklut tetrud?

Tarr d xaf s, tnna as:

-“War twidimv i unni dayi içun da; xf tama n ubrid, mrmi mma kkin d xafi imsbridn a dayi sarwn tifray inu; ipnjarn imçyanen tarzzan ikcwad inu, initcan arkwsn tivaÏin nsn di tfray inu, gådv war xafi d itidf ussåas a dayi yaf issrawv!”.

Masin tqqim days tzmmurt nni, inna sn i imdukal nns; akids ilmdn dg uvrbaz:

-“Tasklut n ubrid assa tctca vari, ixsa nv ad as nar azal marra, war das n tkks tiffray, war dinni n tjji initcan ad arkwsn ullin nsn, war vars n tgg pnnayrur.

Ixsa nv ad nswiza marra idnv; at n tssu; mapnd ad tqqim tddar i marra ussan”.

** ** ** ** **

Dg ijj n dcar tzdv dinni ijj n tayarçist days tivnnanin s waÏÏas, tubuä xf imawlan³ nns.

Ict n twarat tçwa var roraãi; tuffa dinni xizzu⁴; uca tssnta tvçaç zrudiya amnni s ucar nns; amn war d tsyard dg waman n tara.

Wami tiwä var taddart, tuca akd uoddis nns itqqs s waÏÏas.

Tarbu tt immas var umsgnfu n dcar; puma ad as igg asafar i lhrac nni days dg uoddis.

Issqsa tt uäbib; inna as:

-Min teccid assa a tayarçist?

Tarra xafs, tnna as:

-Cciv aÏÏas n xizzu di tbpart n roraãi nnv.

Yarr d xafs uäbib, inna as:

-Ma tccit amnni; niv tsyarded t dg waman n tara?

Tnna as tayarçist nni:

-Uhu! Tuva lluçv, uca vççv t amnni waha, war t syardv ca dg waman.

inna as uäbib:

-Aqa tiqqst nni daym dg uoddis d xizzu nni i tcid; wami war t tsyarded dg waman, zi ssa d usawn war tett ura d ict n txizzut puma tssfät yif dg waman yizdign, kks as acar nni xafs imunen; uca cci t, puma war d am itqqs uoddis nnm i twarat nniän.

** ** ** ** **

Masin d mmis n Tamzva⁵, izdv dg ijj n dcar yus d x tma n ayl agracal⁶.

inna as babas i Masin:

-Axmi nni var tmvard a Masin inu; min txsd ad tilid dg imal n tudart nnc?

Iswingm Masin akd ixf nns, uca yarra xf babas:

-Sittimv ad iriv d amslmd, ad svarv i inlmadn inu mammc var ggn ad txsn Tamzva tamurt nnv.

Ispinnb as babas dg uzdjif, uca yarra inna as:

-Tanmmirt a Masin inu, tisid ijj n uxarrã icna s waÏÏas.

Ipudriyyn n yiäa txarraãn mvar di tvarruba n raxart, d mammc var ggn ibridn jar tisfay n lbpar, puma ad arwrn zi rdcurat nsn; ad ddun var timura n middn.

Yif xf marra ipudriyyn n Tamzva ad var sn yili uswingm am ck, a tafd war illi ura d ijj i tnfifir di tmura n middn.

Iwa lmd; vaë a memmi mapnd ad ifruri usittm nnc s wazal nns; ad itwala tfuyt.

** ** ** ** **

Ijj n uslm ifttp dg waman n ijj n tiydurt n zzaj, manis mma yarra s uzllif nns ad t id tlqa taqsupi n zzaj.

Avirin nns ict n tjäiät d taqarqact n wudm, tzdv dg ijj n ukntu⁷, manis mma tarra s uzllif nns atmsagar ikd iskraf⁸ n ukntu.

Imsawaä uslm ikd tjäiät, inna as:

-Imri uffiv ili aqqa yi dg ammas n ayl⁹ am nc am islman marra, ad aciv ikd tirlli inu, ad ilin waman n ayl marra d agra inu, war dayi d irqqi zzaj ura d agdur¹⁰.

Tarr d xafs tjäiät tnna as s tarçugi n taycint:

-Ula d nc dayi mzri am ck, mli uffiv ili aqqa yi tsariv s wafriwn inu dg waäu n ujnna, ad äwv ula d nc am iqubon n umaäal¹¹ marra.

Ataff mrmi mma xsv ad äwv, mrmi mma xsv ad arsv, ula d nnc sutarv tudart di war llin iskraf n tkurmutin.

D tta umi qqarn tirlli, maca war kids itici mvar unni umi ucarn taãvart nns zi tirlli nni, jyfn t d ancruf am ncin di tkurmut¹², jar iymirn n ukntu d icqfan n zzaj.

(Saoid BELvARBI, 2005)

*****