Tacc ad tgit a tamattant tbdvit agh d ku yan

Tamattant a tacc tiwit afgan ighudan

Ur ad tskart anuhyu gr anawn n mmdn

Ur tfilt afgan axatar ula sul amzyan

Tiwit amdyaz ula amara ula amassan

Tjdr tgudvi ull inu ligh ad gh nnan

Mbark ulorbi yuzr iwakal ula nttan

Adyaz n trabbut n saghru idda igllin

Ass ligh nslla unfcad n umdyaz adlsan

Ghassann ad yyi jdrn imttvawn tittvawin

Ar allagh aylligh ssallagh igdvadv gh ignwan

Ar allagh aylligh sngigh talatin d isafn

Ar allagh agvin imttawn an ak urrin

Ar allagh mcirikgh afccad d tagudvi d innas

Li ggummin ad tmsifid d iwis iaozzan

Gamint ad ngit int d usmdl ns iflujjan

Acnyal amazigh gan inigi ula nttan

Nba! nba manik rad skrgh ad kn tugh?

Ighd ktigh mamnk sa tsmussut ifalan

Ktighd mamnk aytmussu ugdud igh ak sllan

Ktigd igzumn n tmdyazin ur ilin anawn

Ktighd iwaliwn n tghnsa zilnin

D uzawan atrar d talghatin mimnin

Nba mnck ad tkkit tghwit acbar advan d ussan

S talghatin n ils amazigh isn kuyan

Isntt urifi d umupag d uqbayli ula nttan

Awttas nk lkmn ad asn isfld kuyan

Asmdl nun idl t ucnyal amazigh adrfan

Tamla n bab n ignwan f iman nun

Ad awn dlnt iman ula ixsan.