Tamadvunt d usafar*

Yiwi tt id s tmazight: ihya elouazgani

Dderen imudaren d lpunud yan uzemz gh lepna d umcucku, yan ura issexsvar lxatver i wayya. Yan wass ftan kra inegmaren n lpunud lli ar neqqan imudaren bac ad zzenzin tifiyyi ula ilem nesen, imik sten kullu ssefden gh iggin wakal. F sibba yad af d yesmun ilef madd ighaman gh imudaren bac ad caweren neger atsen f mamenk s rad surrin arettel i midden ad. Ilef netta, acku ighama gis lhal bapra, yeberrh s imenghi yiwi d akk dis loadda, iga ttin tafeka. Macc kul mma n ghin imunnissen ized imenghi akenna tega ur gis iffugh umya. Nedqen d ikdad nnan: ”ifuuk ad nakewr ixamen i inegmaren ad lli fella tengh yeqjeren. Izan netteni, fan bapra addur i tmukrist ad, mun gh yeggin yat taddagt ineker gisen ”zzz…”, imik yebidd walli kullu gisen imqquren igan “lfapim”, yesenn d f tkurayt nes, yesawl s kullu imudaren inna yasen: ”ran netter iman ad ssugzen tamadvunt f lpunud lli fellagh yeqjeren, nfawen loapd nekkeni izan as s tt nsaka nger atsen”. Ghemek lli ifedda awal nes, uten as recc, mciwiren ilemma ad sekeren alli s inna izi yad, bedun igharasen, yesker kul yan gitsen s tegemmi nes, ar zzigizen ar swingimen mara yetru gh ussan d yuckan. Ura k yezri ma yegguten, alligh d tucka tamadvunt s tmazirt lpunud, ghemk lli s nnan izan. Macc tamadvunt ad tezda kul mma d yekkan agharas nes, ur tessin ma yeqjeren ula mad ur uqjeren. Adven kullu midden, ghaman gh ixamen nesenura tt ffughen. Imudaren ur netamen attut tamadvunt ad kullu lpunud, tagh ten tgudi bapra, ddun ar dagh texmmamen ma rad skeren. Taklit ad tucka t “nesiht” dar ghilli nn ur yetam yan, dar iheclafen d ijeddigen lli nnan: ”asafar n tmadvunt adyella gh ufus negh”. Ffughen d ilemma lpunud gh ixamen nesenbac ad ssnun iheclafen an d ijeddigen, fetun ar cettvan lxir an alligh jjin. Men ghassan ad ssen id bidmawen izeggaghen ized ihecelafen gisen tajjit d usafar igguten.

Lpunud : les indiens

Inegmaren: des chasseurs

Imudaren : les animaux

Imenghi : la guerre

Addur : valeur, considération

Tamadvunt : maladie