tudrt n umazigh
Yaru t: lfyou (gardmit-tinjdad, imtghern)
utan tissgnit i wmazigh ammas n wul,
mghar ijjy udvers nns isul iga azmul.
nnan as keyyin txxid awa tgid lghul!
tamaggit nnk tdda ur yad tsul.

gan as ighil i yimi ad ur isawal,
sendverfen as gin t d aziwal,
zlin as aoban ad sin as amawal,
nnan as qqim ad ur tmmerwal.

awi gat afus g ufus a yaytma,
tddum ansa tpzzam iqwma.
a winngh pan ulinw igma,
s tirra n tfinagh ad as nghwma.

mghar d yusa ka n uneybi,
kat as ad itcc tqnemt g urehbi,
ad awn inin nkni imazan n nbi,
inin awn nuwi d awal n rbbi!

ran ad sikkn uzzal i bu wazul.
nnan as ils nnk iga amahul!
mayd tssend ghas talgunt d ubelbul,
qqim knu tajid ixwba g umerdul.

ssghran agh g tinmel s taorabt!
ur nri ad tqqim assa tga lbabt.
slken tifinagh zrin t i tdwwabt,
rzvin as ighsvan tdladt tghllabt.

a yayd i ssghran maca nkk d amazigh,
ug ifriqya gigh t id ka yadvn ur nnigh.
ddin ntta mk trigh ngh ur trigh,
maca amazigh nkk ayd gigh, irigh...