Tnayen n isekkûrn

Yura t: Farid Lxalqi (Pulanda)

Uyûr ad niri d tnayen n isekkûrn,

Ad names rhvenni i tfednin n idvaren,

Ad narr ussan nnegh d reoyud ttemsedvfaren,

A nbedd x yesri i tugha d ane gh yeffaren,

Ad nejj reodu nnegh marra day negh d xzvzaren.

Waxxa war nettviw, gza anegh ijj n wemcan,

Ad niri nec d ccem war dji wi d anegh gha ad yebdvan.

Uyûr ad niri d tnayen isekkûrn,

Ad names rhvenni i tfednin n idvarn,

Ad nbedd d ijj n wedrar jar tmûrt d yetran.

War t’ tiryen imnusen war t’ tcuqin ifeqsan.

Ad nari ijj n umezruy war dji wi t’ gh ad yemhan.

Uyûr ad niri d tnayen isekkûrn,

Ad names rhvenni i tfednin n idvarn,

Ad nejj ijj n yezri d ajdjid x yezran,

Ad as negg nec d ccem, a yedji s n imezghan,

Ass i gh ad mtegh ghar it cem x imedvran.