Manzakm a tizi

Manzakn a ussan

Tzrim tflm agh d attvan

Tflm aghd ahrrig n wul

Afgan ur sul iga ghmklli

Yadli s ittussan

Isggasn d tasutin li zrinin

Manza sul tiwizi

Manza tagwmat

Manza lhnint

Manza? manza? manza?

********

Ah addunit

Tgit tamghdart

Ura sul thnnumt

Tiwit agh afgan

Tflt aghd loar

Afgan adrfi

Issufun iwaliwn

Ar nzzigiz aylligh nga ghmkad

Yan ur isn yan

Ku yan ira tins

Yiwi agh tmaà n tudrt

Yyih nttan adar yiwin

Yyih nttan aggit ngh iskrn ghmkad

Kyyin ad igan sbab

Aylligh tmmut tagmat ngr imadan

mtn ak diss wulawn

Idrimn gan afgan d ubukad

Inna ghn llan ar srsn ittazzal

Atnid awin

Atn ukan zrin

ttun mad skarn ula mad ttinin

urak sul snn mad gan

Ula mad walan

Is ka jllan.. is ka jlan!

Lahasn abrid ula agharas

Irbbi a tamattant ghawld..

Ad tawit afgan adrfi

ur sul izdar

Ad iddr gh tassassin

Ula izdar itgwdviwin

(Ass n: 28/02/2011)