I Mimunt, umi turi.

Yura t: Mimun Amsbrid (Biljika)

Mimunt !

A pya Mimunt!

A tamghart n ujenna!

Tzedghed jar anegh cem war tedjid ssa.

 

Tmarted, txeyyqed,

Tnyezmed akid negh,

Tzeyyar x afm Tmûrt

Cem war kid s tennumed.

 

Yeysi cem uyenni,

Tedvwid ghar ujenna.

Yeysi cem uyenni,

Tdewred ghar ujenna.

 

S tittvawin nnem,

Yiriwen d rebhar,

S tittvawin nnem,

Yiriden s umettva,

Tsserded ixeyyiqen,

Tsgenfid iyezzimen.

Tugha cem d tanewjiwt

N inewjiwen nnem.

 

Fus nnem tugha yarzvem,

Ur nnem d andrar:

Marra wi yekkin,

Zi min day s yecca.

War tsmezvyed amezrudv,

War teghdvired zeg wessar.

 

Tuhred teysid anegh

Ghar ujenna -  ntwettva.

Temseysi d akid negh,

War am d yuriy ca:

Ntwamser s targist-

Cem s tfawt n ujenna.

 

Mimunt!

A pya Mimunt!

A tamghart n ujenna!

Kssigh cem d ayezzim,

Kssigh cem d amettva.

 

Kssigh cem d ayezzim,

Kssigh cem d amettva.