Fus inu

Yura t:  Oumar NUMID ( Tvanja)

Fus nni d fus inu,

Netta d ayi yeccat!

Yeghza yi d anedvrar,

X weorûr inu yessarwat!

Am yirden d imendi!

S tazzart izzuzzara t'!

Yeddz it' s tcedvyin,

D acarfa itarra t'!

          * * *

Fus nni d fus inu,

Yeqn ayi x uqemmum!

Inna yi “cek d buydunan,

D awmaten n uyezzum!

Netta yettru rebda!

Cek teqqimed d azvizun!

Netta yeghdver afar!

Cek tedhid d ajehmum!”

             * * *

Fus nni d fus inu,

Arpaj yessec ayi t'!

Izvemm d bunarjuf,

D umarru yessghery ayi t'!

Ibbi ires inu,

S jeghdid yeqqed ayi t'!

Yezzvu din wennidven,

S useyni yurem ayi t'!

              * * *

Fus nni d fus inu,

Am wemrir izedjy ayi!

Tugha t' d afusi,

S yiccar ighares ayi!

Yedha d azermadv,

S udubbiz yuza yi!

Yuyer ayi ghar wurtu,

Am rqeddid ifsar ayi!