Taghrut

Yra t: Jamal Butdarin

  A taghrut mayed di gm annayen t allig smattern t ifasen,

Ku yat tukez tayed

Tekked tala azelmadv,

Tekked tayed ayffas,

Ufant lehya ymmut, udern tas ddaw iflila;

Awal ku yat illa wins fellas.

Amezzugh yukez t, imi ur da sawalen;

Tagezzayet n ku yat tehdva yas lbas;

Amessiffed i toaqqidin,

Amessiffed i tekerkas.

Igi ten urmiden, toareqemt aghen i wewas;

Seg mayed lah ghur kent imataren;

Nra anctel ku tassaot d awass:

Tanawet nnagh tmun d cigan n isaffen

Taliy s afella teg am uderras,

Abrir agh yari rbbi mag llan

Isbed wenna wen innan issagras.