Gh waf n ujarif

Gh usilil aami

Gh igidi n tiniri

Gh taghart n ill

Gh tilist n udfl

Gh igujwan n waddagn

Ad gh ghuzagh assagh nm

Gh tlimamt n tmzgida

Gh txasit n umassan

Gh tifflt n unlmad

Gh ilugan n tinml

Gh idlisn n ussalmad

Gr tansiwin tyaranin

Gr tiwllaf klanin

Ad gh krjagh assagh nm

Gh imasn n imharkan

Gr tizza d ucnyar

Gh tmzla n takat

Ad gh rcmgh assagh nm

Gh uobruqq n taslit

Gh isni n igldan

Gh itkfan n igdvadv

Gh iznzarn n tafukt

Gh uklan n taslit n unzvar

Ad gh kligh ism nm

Gh tammara n ussan

Gr imdvla n ignwan

Drat waman n mirur

Gh twargiwin n wadvan

Ad wargagh assagh nm

Gh tmktit n mzzvi

Lulgh d ad drgh

Lulgh d ad akm ssngh

Rzmgh d allnn inu gh ddunit

Rzmgh d imi inu sawlgh

Nnigh assagh nm: tidrfit

Tirdfit! tidrfit!!

(Bouizakarne: 10/12/ 2010)