Oebbu iga yan urgaz ahkkuc, tilawt ann ag t ira wakuc, g tudert nes iga ahyyadv, war taddart war afersad, ar t yakka ugwmmadv i wayyadv, iga ameddakwl n tsukt d unzvar, tafukt d wadvu, tirghi d usemmidv, ijjawn g tudert nes anekkid, iga ayda n trfufent, aman g imi nes ur lin timimt ula tisent!

Macc Oebbu ar ka ydessa, am idgam am assa, midden marra add imesasa, mad ixcen ur digs illi, tamarayt nes tegat tilelli, nettat ka f izug ar itelli.

Oebbu assa yaght kra, agwnes nes gis aghjjaj n kra, da yzzigiz ur akw issin mani yra, allen nes zund ig tent tsedreghl tfenfra, ighsan nes ran tanekra, asmun nes adu ilsa assad timelsit n tmezawyin, ar issenduduy azzar aberkan, ar ittal taqccabt tawraght, ar t isserkaz g igenna, ghiknna a yadvu ghiknna! tittvawin dufent tura aylli tra tasa, aghghad ghila illa mag t inn issensa!!

Immus dagh wadvu,Oebbu yumz t uduhdu,dghya yili g wassif n umuddu; inna d ixef nes: iqqand ad nessudu! wacc g imezzagh isud as wadvu! ahh a Oebbu, ig yad tegzzul tennudu!

- Izd kiyyin ad isekern tawaghit ad a Oebbu?

- Upu a dda yamghar, Adu ayan.. Adu!

- Izd is texlit?! manik advu ula aggu??!

- Yah adu ayan a dda yamghar! acku nettan ad yullen taqccabt tawraght!

- Ahyudv ad tgit a Oebbu! manik ad ak isaren?

- S uzakkak n wadvu, zrigh kra ighudan bapra isenucceg tasa d ul inu

azzelx sers zund ig yuzzel yan yagh fad s wanu…!

- Aywa semd awal nek, semd, qqar may isaren?

- Ma rad semdx a dda yamghar, tessent ukan may saren, hayyi ger ifassen nek, tumezm iy nekkin tadjim advu! igrawel ar yalla, yamezv agayyu ar isghuyyu:

- amezat advu, hann ur ad nnbedu, awyatiy d bugadu, seqsat advu, rix bugadu… !!

Ar dessan midden s umata, ar idessa umghar awd nettan, inna yas:

- Aqacur ad tegit a Oebbu, a tiferghi wwadu!!