Louness ameddukel n yiman inu

Yura t: Mahmoud bellaachir

D adarghar ur itwiri, ur itesri

Mexmi itrazv itzvadja i tudart

Ikessi s ubarrih, d unefqes,

Mamc ghad yendvar tifeqqeht

Ad kides temrec tifeqqeht wis sin,

Netta d buhber n turjit ines tabuparect,

Turjit ines d tiwecca balak ad yiri

D ca n bnadem jar tisekrin d idbiren,

D ca n wawar itawi d dayes

Nigh d ca n yiman itraja arrimet ines.

D adarghar ixezzar di tisit,

Ur itwiri ghar fad d uraji,

Ur itesri ghar trawja n ixef ines,

Fad d uraji cemdven di tiqqet n imar ines

Ixef ines yarezzu x udem deg udem

Ur yedjin ines,

Netta d amerdas zegg ami irrur di tadjest,

Imzughzar aked raxat huma ad iddar,

Inna s i tiqqest: uca yi anaruz xelli immexes,

Maca temsses tarjef huma ad kides tnes,

Temmut raxat netta ur immeghes,

D memmis n tarewriwt d yires

Qao wen t ittun d aouwwaj

D aouwwaj d aouwwaj..