irir nix war tiri

Yura t: najib zupri (biljika)

iri min texsed ad tirid

war day tteksed

zeg urawn

waxxa tqessvd ayi iress

ad ssiwrex s idvudvan

waxxa tscemded ayi s timessi

ad zzay iqqim ddexxan

ad awdvex ajenna

ad wdvix d inuzvar

ad seswex timura

ad ghemyex d benneoman.

dwer min texsed ad d dured

war d ayi tbeddired

idammen s waman

war d ayi tbeddired

tifras n imazighen

waxxa d dured d arebbi

nec oemmarss

ad d durex zeg isemghan

waxxa d dured d timessi

nec oemmaress

ad d durex zeg imran

i rebda di tmijja nec

ad qqimex d asennan.

(najib zouhri belgeque)