Tameddit inu tezgar

Yura t: Oumar Numid zi Tvanja

  Tamedit inu tezgar,

War ghar s bu wneggar,

War s djepmegh zeg wmezwar,

War ucigh aked wesqar,

Asqar n ighezvran,

Aparpûr nsen iweddvar.

Jarsen day sen waman,

Dewren am tsvudvar.

War zvrigh aseynu,

D uyûr umi yesghumbar,

Yesbarcen ajenna

Ihewweq d i ydurar.

***

Tameddit inu tezgar,

Tenndv ayi am ufighar,

Tzvemma zza yi idammen,

Ttettvedv tizemmar.

Arrimet inu tefdver,

X af s adfer am ikentar.

Yewdva d x af s ufarric

Yefri d x af s d icarcar.

***

Tameddit inu tezgar,

Azir yugi ad yeyyar,

Araji ynu yemsar,

Amnus inu yemghar,

Ur inu yeccûr.

Timessi day s ttekkar.

Dverqegh i tghuyyit,

Ibedd ayi wawar,

Di tmijja yemmûrdves,

S ifassen d imurar,

Ifassen n tadjest

Yemmudven d imuzar.