MLILIJ(Asemdu)

Yaru t: Omar SGHIR

asin d lqum, takurt n illamen ggrn as t i tarir tnnasn:

-ad awigh iydi n ayt xali ittcten.

Imih ggrn as takurt n wasif ar tzgr aman alliy drugh ten ur tkmmil; oawdn as tin tisent d tjnwiyin oemunt as walen s isufar aras tiqiqnt s tisent.

S tiyra ggrn as tin tuzzalt thasert ur tghiy ad ten yad tetvfur; imih tnna sen svbrat ad ken usvugh a lqum inu:

-Pan yan ljamoe da yttini ma ddiyi itzallan addis ur tzzalt a mhemd.

-Pan yat tezdvitv da ttini ma ddiyi itellimn ifilu win rbbi itsvahas lajr atur tellimt a mlilij.

-Pan yan  butisent ar ittini ma di isektaren  adas ur tesktert a mhemd.

-pan yan ughbalu da ittini ma ddiyi isgglan adlal nes addis ur tsgglt a mlilij.

-pan yan ttvir da ittini ma ddi itkkesn azzar ad as t ur tkkust a mhemd…

Svafi ddun lqum ar nzzaghn mun d ubrid jmoan dyan urgaz inna sen sktrat i a lqum tnna s mlilij i mhamd ad as ur tsktert pat ur nenni ank f wawal n mma tarir imih imtvudv mhemd aflla n iyyis ira ad as iskter imih issiklt s tisent… tgguzd mlilij ar talla ar tjjmaoe imttvawn nes y tmtvliyt ar isen tsfsay iflilli n tisent alliyd iffegh.

Nin iyyis digh ar nezzaghn  jmoan d yan ughbalu inna sen ma ddiyi issiridn adlal nes itsvahas lajr? Inn as mhemd i mlilij ggiz a wutma ad tssird adlal nem, tnna s ur nnigh ad kkegh f wawal n mma tarir. Mun digh d ubrid alliy n gulan yan ljamoe inna sen ma ddiyi itzallan itsvahas lajr yayld mhemd f iyyis ikcem zars tnna s mlilij tghdrti a mhemd imihtlgeld ghifs tflut n ljamoe tqqim mlilij y imi n ljamoe ar talla imih tffegh d yat tghardayt tnn as imlilij ma kem yaghen alliy da tallat a yudm ur istahllan lghyar. Tnna s mlilij ma di yaghen ma di ur yaghen ikcem uyma s ljamoe ay zzal tqend ghifs tflut. Tnna s chal ad i takkat ad am tid ssufgh. Tnna s  mlilij aynna trit. Tnna s tghrdayt fki aynnagh  n tarrictas qrcegh ssufgh am tid svafi tfka s mlilij tarrict nnes alliys tqrec ar tvfretv alliy tid tssufegh nin iyyis  imih jmoan dyan ttvir inna sen ma di itkkesn azzar itsvahasv lajr imtvud mhemd aflla n iyyis tnna s mlilij ad ur tkt f lusviyt n mma tarir iddu s ghur ttvir yasi t iger t s ddaw iyldan nes yayllis inna s d mhemd ddaw iyldan n ttvir nzzagh a mlilij ar dinna yam iwt iyyis  tiflut s uxncuc kcemt zars ar tnzzagh alliy n tgula imi n yat taddart tkcem zars… dad itddu ttvir lligh ar as ddis isawal mhen ddaw ifrawn ar as ddis ittini:

-Mas tedilt ma tssit amlilij.... Ar asn ttini delgh s tbarda ssugh zenbil a mhemd a wyma inu..

Yighuld ddigh ttvir inna s digh mhemd may tccit may tswit a mlilij, tnna s swigh y uzwi n ifullusen tcegh dis a mhemd ...(la suite a la prochaine)