Alghem izlan

Yaru t: Zanafi Adimum

(Asif n Dades Tin Mulley)

A yalghwem awragh izlan

Bab nnek anzad nnek ad htan

Wannagh as d ktin mak ilan

Ayt tegemmi drugh ad k zlan

Llan ilaghweman am keyy

Mecta d azzir ad bubban.

Ud djin k zrin apa yudi

Anugen k widda mi ghur

Uddur nnek ibbuda iggudi

Seqsan ghif-k nnan-as tenqert

takaf d wafa tedut s tizi

tezrit ilghweman lligh tigert

ar swutusen g tuzzumt i ymendi

tawghet ibbas n uxelal g tizi

tezdut aygellin i mays n tidi

idd lpenna adacur trit a yapdadi

nghed iknan dur yusin ibu wudi

tutek m isedlan ag ak ttiwi

taghart tengha-k allig-k-tesduddi

meqqar akw illa mayd illan seglli

udem nnek iceqqa isul issiwdi

isul umalu nnek uddur iffurri

a yalghwem iga ibuda ygifi

da g tezlit ur tellit s yifi

yaf asafar n bbas n tfidi

tyaozzit ag tamumt kemmin

a tilfagh wa la tegellint n tfidi

fken-ak allig digh tettecit

tsut aman d issidiren tiggurdi

qwan ak ifaden izwan lligh

tesmur digk tamxibt n tghufi

asy agert ar itran a bu tendra

add akw tessikit m yites n tili

tetteft addis s tatesa tannay t yelban

s twada zdun i tgwut n tidi

alghwem da ynedder meqqar

alfaf n umerdul urt-itteci

itteca yat tuga ternna alfaf

tegad tmara ig tezdi negh teggudi

idd alghwem ghes attessen iwda

isur xela yelli mas temmuti

dghi g telit iffaden tejjit

ku yan imeotettay tabarda ad yiwi

tikti-d mayd ak issekern tifidi

idd bu ysedlan bbas n bu wudi

ssagh ak mad ak isselghen taouyti

adur tesnemt tiddi

ar ig tadawt nnek tesduddi

ma ygan zzamun is as akw itti

alut, atar nnek g twada urt iri

akraf n itarn, ggesfuzt qqa t-n yiri

mecta n uwurdu ghef tadawt nnek yuli

gin as i tamargast algamu ur t tri

a gerd nnek asit ighxezzif ayali

ur tessekirt ma ghef tzuzdurt am tili

tawada nnek tessetwa tesburri

tassent tasurufet ma s-k tiwi

bu tzemmalt tella taouyt tuli

mag ttenayt isul ur illi

taouyt ur tgi ghes yat tizi

unna tt-n- ilkemen di dghi

is iozza am keyyin negh is iga izi

azzuwat a winna ygan tiggurdi

zn digh taghem negh n tiwtm tizi

is awn digh yuder ulghwem g tizi

teghrim ima ytzalin

yef temtelt ayg izi.