Da d kwttigh tudert…!!

Yaru t:  Kaburi Hasan

 

Da d kwttigh tudert,

Tudert n imzwura d iqburen,

Tudert n tirruwza d izrfan,

Ass dart wass, tudert izddign.

 

Da d kwttigh tudert,

Fsant tyedren, btven ildjigen,

Tmneqqer tizzizut g udrar,

Tcant tightven, iggedy ughghu.

 

Da d kwttigh tudert,

Amksa d umkwraz ig d aghulen,

S imi n ighrem sserghen tallunen,

Kwu yan ittu ixettan.

 

Da d kwttigh tudert,

Tiwtmen ig ddant s igwran,

S imsserden s asagem…

Ur da bttvunt d yirir,

Am tudert d waman.

 

Da d kwttigh tudert,

Mmahllu d bbvahllu bu wznnar,

Qqiman g usamer ar rqqan,

Sghren isfra i imzzan,

D wawal amazigh ur ittackwan.

 

Da d kwttigh tudert,

Inigh ur tsul tudert,

Inigh ur tsul lmut,

Ighelegh is ur sullen igrawlen.

 

Da d kwttigh tudert,

Tarwed imttvawen,

Xef timmuzgha ur yad isulen,

Xef tmazight itlqqafen iman.

 

Da d kwttigh tudert,

Issinegh is qa d yaley wass,

Ass n tmazight issuddan,

Ass mi wer tgheley tafuyt,

 

Amawal:

Tiydren: Epis; Amksa: Berger; Amkraz: Agriculteur;  xettan: Soucis et /ou problèmes; Imserden : Lieu public oْ se fait le Linge; Asagwem: Lieu public où s'alimente en eau potable; Irir: chant; Mmahllu d Bbvahllu: grand- mére et grand-pére; Da itlqqaf iman: en voie de mourir, da itemtat .