S ddaw umikruskub (Sous le microscope)

Yaru t: Nudin Bawedra (Gulmima)

 

Nek..?!

Kwenni…?!

Matta kwenni?

Wer ttebpadvem

Seg useqsa new.

Nek wer kwen ssinegh.

Waqila kwenni d imusnawen,

Imeksawen.

Mad imejjujuyen.

Mumkin imedyazen.

Wer ssinegh

Kwenni

Ised ilmanyen

N uneqqar.

Mad n ughelluy.

Teddam d seg usa?

Is tgam ifacistyen?

Da ttnaghem ghef tpamajit.

Nek wer kwen ssinegh.

Mani seg d teddam.

Kwenni.

Matta kwenni

Wer ttbepdvem

Seg useqsi new.

Nek wer kwen ssinegh.

Maca ssnegh

N wis tafuyt

Ayd itteksem tillas.

Ssnegh is ur telli

Tamukrist n wadvu.

Min d tili

Tezdvemt n waman.

Maka digh ssnegh

Is nek gigh nek.

Amkenna ssnegh

Is yerrdel weghrab n Birlin.

Kwenni ayt t ibnan.

Kwenni ay t iserdlen.

Waqila awd nekkin

Lligh d almaney,

Negh d ukazaxistan.

Ad xs wer gigh acufiney.

Negh yat seg tsutiwin

N Carl Darwin.

Maka nekkin

Wer kwen ssinegh

Is tekkam d imarksiyen

Mad imawiyen

Negh seg terbiot n Rayx

Mad awen imes Frud

Mad as temsem i Nietzsche

Waqila awd nekkin

Lligh d alinini

Negh d agibari

Is gigh atrutski

Maka iniyat i

Mad temsem.

Patin wer kwen ssinegh

Nekk ghiyegh ad gegh

Akkw ayen tram.

Ghas ad wer gegh nekk.

Zemregh ad gegh Pitlir.

Ghiyegh ad gegh “La bombe

Atomique” i Nakazaki.

Zemregh ad gherjegh i ycirran

Ayen tram ad t gegh

Ghas ad wer gegh nekk.

Rtigh talwir umdval.

Tilelli akkw i yemdanen.

Azul fellawen a yigduden.

Yettnaghem ghef tilelli

Kwenni

Matta kwenni?

Wer ttebpadvem

Seg useqsa new

Nek wer kwen ssinegh.nek!..

Kwenni!...

<aqila temmutem

negh teddrem

da tteddum ghef ighef

midd ghef idvarren

tenneflem negh tecwam

Twulem negh tsulem

Tlulam d negh tsulem

Tettcam negh telluzvem

Tmeqqurem negh tmezzyem

Wer kwen ssinegh

Nek

Kwenni ddaw umikruskub

(Gulmima 1994)