Askasi:

Arrudv n temghart: ma d tamesrent nigh d timessunam? 

Tura t’: Mayssa Racida (Benttvyyeb, Nnadvpûr)

Zi zic tetwassen temghart tamazight s timessunam nnes i ghar s attvas aked wakud yeodun. Timessunam di marra izuray n tudart nnes d min ghar s yuyren qao, amecnaw tamesract n warrudv yedjan d amaris nnegh deg wmegrad a. Tugha tetwazvla (se distinguer) s warrudv xef temgharin nnedvni s min day s d timessunam i ghar s yuyren. U nettat d tamghart d tamazight, waxxa ghar uneggaru ya yezvra warrudv a amazigh tampazt (évolution) amecnaw marra arrudven deg wmadval. Imara tugha djan ca n warrudven, ad zzay sen idaregh ca n isemqaren tugha djan zi zic amecnaw: tadfint, taqendûrt, tarizart nigh tighnest, ssarwar, tacarbect nigh tasebnect, hac, ahezzam.. arg. Oad imacnawen a ddaren ghar ruxa. Mghar netta zvrin asmesker (changement) d tempazt deg waram d tcuqqet d warcam d ululledv (détails). Maca azvwar n warrudv yeqqim amenni war imsesker ca oemmars, mammec arrudv n zic u zi zic d netta d arrudv i yeddaren arrimet n temghart marra. Min yejjin arrudv a yuss d aked tedyant n tmesrent wami iddar isniffur tamghart zeg wzedjif ar idvaren. Maca tamghart a nigh tamazight a, awarni usuggi n warrudv atrar n irumiyen i yhewsen marra “ssuq” n warrudv tedwer tmazight tweddvar as tmesrent, weddvarent as ura d timessunam akid s. Tetteffu d tyardv mgal (contre) i tugherma nnes, mgal i tmesrent nnes, axmi teffegh tyardv arrudv axmi war tiridv. Arrimet nnes axmi war tedri, arrudv izveyyar yemmar arrimet nnes, d aqudvadv sennej i yfadden d azdad d aqarqac, izzughar rxezvrat. Arrudv a marra d ijj n umsarwas aked tmessunam n irumiyen qao teggûr s  udvrun. Timgharin tyardvent am yaryazen, aryazen am temgharin. S manaya yeddakkûr weydud iteddar deg ughewwegh (révolte) d ameqran, deg ijj n wadvan itmuttuy di marra timnadvin n tmazirt n lmughrib. Itghima useqsi: arrudv n temghart ma d tamesrent nigh d timessunam?

3/11/2001.