Awal

Yura t: Mansvuri Hammu (Ayt Ishaq)

I Ssi Muhemmed Mulud d Payur

Inna bu wawal:

“Kud ntsawal,

Yettagh ax fad n wawal,

Yuf ifesti

Gar awal”.

Am nna trid asey,

Zi ucelif n umarey.

Aneli nec d wul,

Dvfar ten ad ur tekkul.

“Mer tudert  ur terwa

D uzvemzv ur ittenyiddu

Adj g wanrar arewa

Tarejad ad isvudv wadvu”

Tawada tughezifet,

Tebdeo s yat n tsurifet.

Ad ur teggêd iyedvan,

Is tzerid d ukabar advan.

Pan amexxar,

Yuf t umatar,

Yaf ten bu wsafar.

Wenna inegha ixef, yass.

Ku yuwen ittisin ayedda s.

Mec tufid.

Smun

Ad ur bettvu.

Ifes nna tezzvidv

Hedvut ur t tettu.

Sri ad ur krres.

Amezv, fek ad ur kmmes

Unna c iran iri t.

Ayennufar nes ur t teqqis.

Unna ur c irin zri t,

Hid as, ur dt ttasi, ur siri s.

Tawuri, amarey d tusna

Krattzi ur iteyaqqal yan,

Mec ira tudert ighudan,

D wayelal nes g iyenna.

Tanebbadvt ad taley,

Aggwa ad issisey,

D waneli nes ad ipenna.

Mun d ubrid ittveonan,

Ad ur c wweten isennan.

Ddu g usidd

Ur ixxi xas, seres

May tusid,

Ur zzvioen fad,

Waman irewiyen.

Ula kessen lazv,

Ifriruyen.

Tuttilet iyedjuyen,

Tumaret iggafeyen

D tanemmirt ciyan,

I ku yan.

Ayt Ishaq, 27/8/99.