Abezzeghraru*1

yura t: said khottour

Ttaymegh d axarrves

zi tûrja war ittvetsen

Ad teggegh d trict

i wbezzeghraru war ittnusen

Huma ad arezfegh

ghar tefras war yudisen

Ad zzay s ssarigh

x ihudaq icemsen

Ad tefsaregh d temrer

x tcudvad yessudjsen

Huma ad wghargh

i tefray zzay i yususen.

Izvri*2 inu d aftah

deg ireymam war ijarsen

Yessray deg iseqsan

itran wi zi hedjsen

Ma Ysdvar d d akud

n useynu yeqqarsen?

Yeqqars x wazghat

i yimar d ittasen

Yesfuffi d d ineggi*3

di tecri ynessisen

Yuddum d d tigharsi

yedwer d ixarisen

Yeffal*4 deg waddud

ssedren idveffisen

Inixses rami yuca

yettnufsur zeg ususem

D tifray n umezruy

ad tt nghar ad nessen

D tamenttiwt n raggûaj

deg idva ad yensem

Tughgherma d aoeffar

zi midden war nttisem

War nettghimi d tmdvri*5

jar tefray n yedlisen

Jar igharfen*6 n tudart

d ticudvad yemmarsen

Yeffud d tisatarin

yurmen s inexsisen

Yesyiwn ayi uremmud

s tûrja nnes yidvsen

Rami day i yentta

s imezran n ineghmisen

Ittayez day i razagh

d fad war isessen

Sremmaden am ad tt uyûrd

cem ttugha d imawsen

Ma ad d tared amarwas

zeg ûnni yemmarewsen

Ma ad irigh d tizneft*7 nnem

cem day i yarewsen

Tesyiwned tamexsa

i yenni cem yemmexsen

Ijj i yirem inu

umi ttugha djasen

Farnen as deg uxeccab

d tiyyart war yumisen

D ixf inu ufigh t

d arimet ittidvidvisen

Yemghar day s unezdem

s unazvi n yejrisen

isigh d ad armegh anezdem

war s ufigh minzi ghensen

ma ad dewregh d aniyna

isfaqa imetvsen?*8

War tghimigh d inecrawen

midden war dayi ittessen.

Amawal:

1=lqafila, 2=vision, 3=tuffet nni d itefghen zi rhid n wexxam, 4=neqar as yeffar tisria, ighaynen, ifaracen, inuda ext, nec twarigh qarent i ssinaoa, 5=inuraz ni yetghiman di tsirt xminni nharri tazwact, 6=kader, agharf n tsirt ij itiri sennej ijj swadday d ina umi qarn s ta3raft itvar, 7=ssvifet n bnadem minzi din udem din tizneft, 8=imettves, asimi nni itiri deg w3eddis n yemmas yetes it3ettvara war itrur nigh itghima deg w3eddis n yemmas tmetta zzays.