twadjigh taqessist a i tawmat ammduker

ouajd karkar

war zzaregh oammar s"

1-

itwagg ac ccelwew,

tessdvud,

zi manis tessdred taydji nnec...

aghirin, aghirin...

ghar ujmmadv n ujmmadvin

teddud, tersid

xelli amenni, tawmat

tacigh s tayri n dcar nnec

deg wur nnec ineddu, ineddu

yarenni i neddu

2-

war texsegh ad asegh ghar igzennayen,

d ameqqaz n imedvran

war txsegh ad shinnbegh

war txsegh ad rugh

war txsegh attvawen

ad uffen s imettvawen

3-

minzi nec, ssnegh

anict reprac isqquccuh idvewdvan

yesqunsiw buhber

yesmarrat, yessruba

anict usfidjett

di tiwcca itcyyar anegh d.

4-

ak waywya char i nurja

tûrjatin i zi nûrja

(arrif, taqessist, tirelli...)

marra min nûrja

arezzugh s ijjen mezri d ameqran

arezzugh ad ten neddar marra

ict

ict