"L’océan de la solitude est vraiment démocratique.

Chaque vague décide de son objectif

fut-il le même pour toutes" (Goran TUNSTRÖM)

Arr tittvawin nnec aghirin

hma ur tddarghiled

Sufgh d arpaj nni dayek

bdva t x wawaren

Ur t’ tajja ad cek inegh.

Wc ixf nnec i wadvu

i tfawt

i wsynu

Fsi di tayyut

nigh iri d azvru:

issusem

Hma ur trnnun imttvawen

Ffgh zeg ixf nnec

Ngh ixf nnec

ur t’ tajja ad cek inegh

Arr tarzeg nnec d tizidv

deg imi n yinnidven

Mmet

Ndver ixf nnec

Kker d d wnnidven…

Ammu i yufa iman nnes issawal

umi irar taynit i ixf nnes.

S tarzeg isfirnen

inna g wur nnes:

Ar amur nnidven!