Tamesghult n ilxiyana
Yura t: salah ngab (libya)
Si tekker di ulawn nnegh tagda
Kan yettazel ghef aghrum yelha baba
Aorab yehkem iddin yentvel di zekka
D ussem, sussem, sussem yemla
Netci tarwa n innabi
Ils nnu , ils n rebbi
D in iljapiliya yerra di des timura.

Nsussem wel nseslec tawalt n la
Ara nnegh xedmun aorab, ghessun ilwehda
Zvurrun anegh, nedwel igujilen n ilumma
D sussem, sussem, sussem yemla
Tarwa n Asirem inghun t meckun
Taxertilt imlun dvedd i lqanun
D am mammu yused s ilhijaz, am ruma.

Ilhijab nnsen yedja tamettvut d tayya
D argaz tumer n iddin terr t i lghurilla
Inghun angh d imlun tuha amrika
D sussem, sussem, sussem yemla
Yanutlay, wel nufuc iles
Imi zeroun dis ighes
D izzad nnegh tamesghult n ilxiyana.

Amezruy iskerksun, inghun masenissa
Neghru kan ghef jemal, sveddam, d usama
Imlun kan i ddinasvur yedder di tamezgha
D sussem, sussem, sussem yemla
Iljennet tella di felstvin d iloiraq
Si nemlu libya imlun ibunaq
D tadelsa n Bergen tsutva ghasru terna.

Tira nnegh – tifinagh – hram s ilfatwa
Ilya ad nsefra sis, yanzvun iddula
Udayn netcin, maca oemmi tsen musa
Nedwel am izyitv n azel
Nerwetv zvettvef, nemlu mellel
Tagda nngh si negh, neghr t d tagrawla.