Imesullal n 27 ctenbir

Yaru t: Lfyou (Gardmit, Tinejdad, Imetghern)

I yiman n YIDIR mmis n Oli Hercrras

 A yayd ghudan imesullal1 n tsertit2,

 Imesullal n tamert3 tameggarut.

 Temmezruyen dat ukamera gin tabusrurut4,

 Ar ssenkaden5 ipallen6 nsen i midden.

 Win ufasi negh win uzvelmadv d akw ttemyaghen,

 Xwan gan am tegzirt n Tura yuran,

 Tamara d war tawuri nnan ak ur tghiman,

 Zzizdigen tammurt gen as izerfan.

 Da tedvssan ddaw tmira nnun a yimdan,

 Tkuren s idrimen igewwlen nsen awghen s iquccan,

 A yimazighen sussat ibengher tanfem imezvyan.

 Ur telli tegdut tar TAMAZIGHT inyatt s ighuyyan.

 

 Bu yiyyis dghi yad ikkat s tiqqar,

 Bu tuzzalt day tcerrag7 mayd ibeddan,

 Bu tzizwa day teqqes kkerend ihuzzvan8.

 

 Bu yizem ira yadig agellid n igeldan,

 Bu teldjigt dik s tayri uckan as iberdan,

 Bu tsarut igjem ukan iqqen d ifelwan.

 

 Bu rrafayen iwett yitvesv ur di fafan9,

 Bu yiflew inna k gujmat s tgemmi n aribban,

 Bu welghem inna k svebrat ar tleqfem iman10.

 

 Bu wayyur day twrag tin igenwan,

 Bu tittv day tghemmaz i tcirratin d icirran,

 Bu tezdayt isassagh d ghas icuccan11.

 

 Bu lqendil isexsey assidd issuddan,

 Inna yak ughulat s deffir d luqt n zman,

 Bu lberrad issujdagh ghas atay ihfan.

 

 Bu tamessudut12 izeryagh ger iberdan,

 Bu wedlis inna yak ur awn telli tghuri a yiberbran,

 Bu wzemmur irtayagh13 ger izergan.

 

 Bu tezvlemt14 ineghdagh15 yasey mayd ighudan,

 Bu temlalt iga yagh d wuttci n wuccan,

 Bu wghrrabu inna k hergat pat d aken tgannan iselman.

 

 Bu tgemmi irtayagh ad neqqim g igherman,

 Bu wfus dghi ad ikkat s idvemsan16,

 Bu weryaz d tafuyt urs mani g uckan.

 

 Bu tacmeot day tnada bu lqendil swan17,

 Bu wetbir yafraw izeryagh d isennan,

 Bu lmizan inna yak ixeddariyen ayten iteggan.

 

 Amawal:

1-les guignols - 2-la politique - 3-l'heure - 4-faire la queue 5-présenter - 6-programes - 7-déchirer - 8-les bosses - 9-réveiller -10-jusqu à la mort -11-déchets des dattes -12-voiture - 13-souhaiter - 14-épie -15-moudre -16-giffles -17-ivres