Ghennej ayi

Mayssa racida

Ghennej ayi d taqessvist ghar wesqar n yitri,

Ad t yawedv wesqar inu d zpir n yijj n uraghi.

       Ghennej ayi.

Ghvar ayi d awaren n tanust oad war turi!

Meolik i tura iri war ntemweddvar ijjen x wennedvni.

       Ghennej ayi.

D tisvurifin n wussan x webrid tedvhant d araji,

X lgha n yiman deg iwed irettex d aseqsi.

Tirmect imesr it ucar, rwehran x rwehran yarenni.

Arrimet d ighedjen, tderreo i tudart a mayenzi?

       Ghennej ayi.

D tisedvwin x arragub tharabent awarni tfuct teghri teghri!

X tnebdat n tewwart i di tbedda ticri

X ughembub n tmûrt i di tewsar temzvi,

X yirar n tara i yesfadan tisessi.

        Ghennej ayi.

Ttugh tirart inu, nghigh tûrjit inu x tefras n useymi.

Zzay i necc d cek i yemmenghen x umenghi

Umi twandver Henna, umi yetwanegh jeddi.

Iparwedv ucar tira nsen i d ighemyen d tirelli.

Necc i yzedghen rux jar ifran, ifri deg ifri.

Ur inu d timedvrin mani yzeppar uxeyyeq d unuri.

Nedvregh day s tigharruba n tidett ifethen abuqi,

Imara oad ad yeghmi d asennan x tlulluct d imehdvi!!

                     Di 1/4/2000