"Tamdyazt a d awardi i tipya andich”

Ssighegh as fus inu,

Day s texzar.

Temsawal ak yexef nnes…

Uca tesqar.

awarni ijjen useghdi izzugard

Tenn ayi: "ah a memmi…

Tfust a tqqar ayi ,

Imal nnec d ict tmessi…

War targhi war texsi.

Twarigh isvuraf

Akid sen attvas n isekraf!

Imal nec d ict n tedbirt,

Txes ad tmmet war tzemmar…

Txes ad teddar war tzemmar.

Cek a memmi

Cek d ict n tmwafit

War d as ufin asefi”

Tarni tenna:

“Oad ad ghar k irini imddukal d isemghan?

Zi kuy tizi

Zi kuy amcan .”

awarni ma tsala iwalen nnes

Nnigh as:

Ap a tamgzunt inu iccwan

War d inni ca

Imal mara ixess ayi nigh immexes ayi.

Ad ayi yaf da trajigh tt

Ad ayi yaf da trajigh tt

(Midar di 11 /07/ 2009)