Qrar

Yarut: Mansvuri Hemmu (Ayt Ishaq)

Ad ac qqisex a Qrar

Lqist inew,

Is tyid ameddukel inew,

Is yan imettvawen ad nezvar.

*****

Yix amehdvar

Hesix "Qirdun, baqaratun",

Ghrix "Mina joli mina",

Alliy zlix iles inew.

*****

Ymix ineyer idurar,

Ur drusen midden inew,

Gguten isitimen inew,

Oeddunet timizar.

*****

Nnan i afugwar

Ssucan i cedveran

Ssucan i anna ran,

Alliy ttux ixef inew.

*****

Sseghdex ac a Qrar,

Man tur? Man zar?

Qqisi mamec? Mani ghar?

Ur ax izeri lkar!

Ula numezv amezrar!

Ayedda nex idda

Ur nekkar

Ur id nerar.

*****

Afella nek,

Ioayed iyya izedvar,

Bedd xef udrar,

Ur sar ttini usar,

Tayrest m unezvar

D t id ittedvfar

Taleddrar.

Meqqar yukef uzeggwar,

Da d ittemghi

Iy d axatar.

Waxxa iherra uoeroar,

Da yeghelli

Ar itezzeo azvebar.

Xef iqecmar,

Imeghid ufadar.

Asif izedvar,

Ad yazzel

Ineyer ighezrar.

Atig n ifesti,

Ur t' iyi wuregh.

Ula yad itvessva,

Iceoeb xef ugaywar!

(Ayt Ishaq di 11/4/2003)

Amawal:

Qrar: nom d'une rivière - Amehdvar: étudiant - Hesu: apprendre par cœur - Isitimen: vœux - Afugwar: vaurien -  Amezrar: gravier - Izedar: sous, en bas - Advar: pied - Ur sar: ne jamais - Tayrest: Hiver - Anezvar: pluie -  Taleddrar: printemps - Meqqar: même di, bien que - Azggwar: Jujubier - Aoeroar: Thuya - Azvebar: Collique -  Afadar: Cactus - Azzel: Courir - Izedvar: Capable -  Ighezrar: vallée - Atig: prix, valeur-  Uregh: or -  Iceoeb: renard - Agaywar: corbeau