Oica Mezrighd

Yaru t: Brahim Xdamc (Dades)

 Ikka ten  g yat tmazirt, illan ammas n yan udrar, igan akw tagant d isafen, yan uryaz d yat tmghar. Uroun yat tarbat ginas Oica. Dda g zrin itsen iseggasn temmt tmettut. Inker uryaz itapl tayd tmettut taru dids tayd tarbat. Lli g txater Oica d utmas tenker tmettut tskerasent yat tawuri mats igan?

Ku tifawt d as tak i ilis taqlilt tkas i Oica tabusyart mara ad agwment aman g wasif. Tg asent yat trezzift i tena d izwarn. Illis da d ttagwem tughuld maca Oica urda yas d ttasi tabusyart amya.

Ag tupl awal tegwer s tabusyart yawit wasif, turuld s taddart teserfufnt bapra lallas, sul tazent ad as d taf tabusyart, teddu Oica tmun d wasif ar tini:

-Ssutergh awn a yimdwan n lahlal u lahlal is ur tezrim yat tabusyart n lahlal u lahlal?    

Nan as:

-Zri a tarbat n lahlal u lahlal pat iwint waman s izdar. 

Tsudun Oica imik tafen itsent tutmin ar ssirident tini asent:

-  Ssutergha wn a tiwetmin n lahlal u lahlal is ur tezrimt yat tabusyart n lahlal u lahlal?

Nnant as d:

- Addu d a tarbat n lahlal u lahlal ard nesserd  nkam t.

Teqqim ag ssurdent, nant as qqim ad ghurnex tnest ar asekka nkam tabuseyart nem. Ar id ternet as mad as tegganet s imensi, tenna yasent tarwyet n yighd a istapl unna ur ilin mays. Nkernt gent as d tarwayt n qillu d ughu, dda g temmensu nant as mad am ntesu tenna yasent ssu imti zzenbil, tatgwumt i igdi tadlemt i s tbarda.             

A istapl unna ur ilin mays. Ssunt as tizarbay dlents s lahrir.

Askkans g ili n was, sbourdunt as taserdunt s urgh d nneqqert, gent as d afullus d tabuseyart afella. G ubrid ar ittini ufulus:  ku ku ôu tiwid lalla lu lu.

Ligh g d tgula tigmmi tena yas i lallas fser tizerbay pat iwigh am d lmal. Maca lallas llan digs irirn max attaf Oica mezrighd illis.

Tenker tsenfel asnt tawuri: tkas i ilis tabusyart tkas  taqlilt i Oica.

Tedern illis g tmukrist lligh n Oica, allig termi tegwer s tabuseyart yawi t wasif, turul d taddart, tana yas mays ddu km adid tawit lmal zund Oica. Tenker tseqsa utmas mamk tsker ag tufa lmal, tenayas Oica:

-Dir mangh d wasif ar suturgh i ymedwan tabusayart inu afgh n itsent tutmin nitenti ad id ikan lmal d tabusayart inu.

Teddu tmun awd ntat d wasif ar tini:                 

- Ssutergh awn a yimdwan n lahram u lahram is ur tezrim yat tabusyart n lahram u lahram??    

Nan as:

- Zri a tarbat n lahram u lahram pat iwint waman s izdar 

Tsudun imik tafen timgharin lligh ar ssirident tini asent:

-Ssutergh awn a tiwetmin n lahram u lahram is ur tezrimt yat tabusyart n lahram u lahram??

Nnant as d:

- addu d a tarbat n lahram u lahram ard nesserd  nkam t

Dag ssurdent, a wint s ad ghur sent tens. Ar id gent as d tarwayt n ighd zzgent asd ighfawen nsent, acku tiwtmin nnagh ur gint ghas taririn. Dda g tra ad tgen sunt as zzenbil, atgwunt as igdi dlents s tbarda. 

Askkans g ili n was, sbourdunt as taserdunt s urgh d nneqqert, gent as d afullus d tabuseyart afella. G ubrid ar ittini ufulus: ku ku ôu tiwid lalla xu xu.

 Zzigh pa tiwtmin nnagh ur gint ghas taririn.