Hmad anelmad

Yura t: Said Jaofer (Xnifra)

Ilul d mmis,

Inurz wul i yebba s,

Inna sen get as “Muha”.

Upu, Picam ay tra Bapa.

Msehrqen ciggan n wussan,

Mmun d ayt uxxam,

Ggin tameghrust

Aghulen dix msasan.

“Hmad” isem n nbey ay d ygan

Ifurdedda.

Ammas n ighriden ay d gman.

Ar yuwen wass

Sghin as leksut, nnan as:

«Asekka likul!!»

G lqism

Ttvablu d littvabl ay d illan.

Lxuja, lkustim ay d lsan.

Ur issin as isiwel taorabt.

Wiypa nnes lkasul ay d gan!

Iggal itisin may d nnan

Meqqar iceqa lquran

Ar iselmad awd Bapa.

Inna s:

Aghrum, pat lxebz ay t iggan

Indvu ccapada kaman.

Lxireya ag da nnusen

Ag da tetten.

Immutti dix s lanterna

G lissi imyasan.

Pan Tawfiq, pan Oetman

Pan ticiratin ihlan.

Teqziba d djin

Ay da lessan,

Bayen awed iffan.

Wenna ur as nt inin “Bahibbek”

Ferya ayd gan.

Issenjem rxef nnes icwan.

Pat, lbaculyi ayd gan.

Ur iri ka n twuri imezzan,

Yaghen tasdawit

Lquran axatar as ddan.

Muc oarabi abaden,

Muc oarabi.

Wenna ur t inin

Ur id lmunadvil

Ayd gan.

Awi neolat ccitvan ukan

Ass ad beddlen imrigen

Ibeddel wawal.

Agadir n Berlin tutin ur qiman

Ku agdud lla ttinin

Awal inew, akal inew ag llan.

Widex nnex, dart, as ax ruran

Llif ma yenqetv ag qiman.

Meknass,  janvier 1995.