AWAL AMAZIGH D TEDLSA TAZARFANT N LMUGHRIB

 Yura t: Bajji Saoid (Xnifra)

Zedghen imazighen g lmughrib zeg kigan iggimen isggûsen, mghar kkan ''isun'' dvnini tamazirt a ffir n manig t nid ufan am ''ibizintin, windal, ruman d waoraben'' zeg tmazgha pat iqqim wawal d tedlsa mazigh idderr g irsawen n midden zeg jaj wawal ad lla nttafa imawal izarfan am ''arra, tiki, azerf, taghdemt, tagallit...''. Lla ssenzvan imawal a is ikka uzerf amazigh mag zrin itzayd tilit nsen ar ass a sumata jaj n teqbilin s yism n ''lourf = azerf''. Maca tanbadvt ur tusi taghawsa izerfan g walmessi nnes naf is llan izarfan iqaccawen imaynuten s yism n teqbilin, yiddesn ansiwen zillin g tmazirt am: iglmamen d ighbula n waman, d tattvut n waman n terggwin s yism n ''tnita''.

Allu mec naghul ad nghra amezruy n imazighen lla nttafa amsasa inyer uryaz d tmettudvt, d masmi ur djin teyyi temttudvt taherdant alleg d ikccem waorab tamazirt n  imazighen. D ur djin izran teqbilin n imazighen g umezruy ''asif ntefrax'' am uyen ikkan g ldjazira taorabt, nghed menghit nsenn aday till terbat g wansa urba.Tasi temttudvt tamazight ism n ''tamghart'' mnid ''umghar'' iyan axatar n teqbilt, tekk ''Dipya ''tamettudvt teya tanbadvt n ''twunkt'’

Ad naf is tezwir tgherma tamazight g umsasa inyer n uryaz d temttvutv ar ittinin yits imssigel g tghawsa yad is ur illi g timendawin lmughrib ar asggûas 1992 mag akkan addur i tmettudvt, naf akkusa n uryaz i tmettudvt g maggan tanila, d mas ur illi g timendawin, mag tadjan tmettudvt  atey ''asenbadvt amezwaru''. Suya llan nttafa is iya wasay n ''tgherma tamendawt tamazight'' tersal umsasa amaynu inyer uryaz d tmettudvt  ayad agh yakan anini is ''meskit uzerf'' mi nttafa tirzi nnes uzemz gher wayadv, pat idda d zeg imaladen d fghnin s tersal nnes itwattun. Kkan isalmaden d imssigel g ''umagrad uzerf n timendawin''  ur ucin addur i wawal amazigh, manig tter aoddul n timendvawt ur ttirr timendvaw n wawal amazigh d umentel ffir uya, mas usin g uswengin nsen ''tadiyulujit  d imghnan uranin n tsartit ''ur nufi awed yan g isalmaden ad jaj n tesdawin d issektin s ''izerfan imazighen'' mad is ur ssin? Mad is yan ami ur ssin? Ar ssaghran yits n izerfan g tenbadvdin n waoraben g usays unqqer.

Ar ttinigh mas iya ''uzerf amazigh'' idj g izerfan iqaccawen xef ghan skwu nsbidd  tadimukratvit tamaynut g tamurt nnegh.