Tamazirt yufen kullu timizar

Tayri nnes tuger kullu mad illan.

Gh tamazirt inu

Mad ddark urd mad teskrt

Mad tegit urd mad t tetfalt.

Gh tamazirt inu

Mad ur ilan atig igat ufgan

Meqqar ighra neghd takk izri.

Gh tamazirt inu

Illa mad issan akal idel s ignwan

Illa mad inkern gh tiswak immet gisent

Illa mad isiggiln s tawuri ccinten isleman

Illa mad ittiksadn amghar d matt iwalan

Illa mad yiwen iyubrid n izniten neghn anelli

Illa mad iran ad ittu mayad mdin as ladrug

Illa zund nekkin iran ad ig afgan.

Gh tamazirt inu

Tella tilelli d izerfan n ufgan

Mac ur gint amer awal gh tinfulin.

Gh tamazirt inu

Tella tussena d mad feln willi zerinin

Mac ur tt gisn yiwi yan

Tili tinml d uslmad d unlmad

Ur akk ssin awal amazigh.

Gh tamazirt inu

Zedghn meddn gh idrarn d isaffen

Mad akk issen is llan

Tili tadawsa d umsasfar d isafarn

Ayt ddarnegh ar ttemtatn s usammidv.

Gh tamazirt inu

Illa wurgh d neqqrt d tuggt n izughar

Mac skern akk igharasn s ignwan

Iligh nekkin d kiyin d tasrtit

Igedal ad as igger yan.

Tamazirt inu ,wa tamazirt inu

Meqqar gim kullu mayad rad tghamat

Tamazirt yufen kulu timizar.