Xdem a yaxeddam, xdem a yayujir

Ad tarnid tameddit mara ur d asen iwwidv uzir

Tenderfed di razv, di zvredv i tewdvid

Isneghd i cek usrazvi d tamara i teksid

Tdewred d ttaoejjact ikessi cek usemmidv

Ra d ijj ur d ac itselli tesqaredv nigh tennid

Mechar d tifawin xaf sen oad tesrughid

Cek tzedghed tallest axmi ur da tellid

Manis tekka tesghart nnec yujaren tiseqqar?

Mechar xaf s idvefsen n ussan di temmendvar

Am ussan n rexrif i di iwettva wafar

Rami d tendver tallest abrid oad d azirar

Wedjas tudart nnec i was ur yetmenzin

Ad yemsagar useynu yeccur s tghufawin

Ad yedduqqez d ajjaj yesfaqqa timedvrin

Wen yeddaren di tjuras ad yarzu xef tfeswin.

(E_mail abdelhakim.1@hotmail.com)

Taqubbanit

Yura t: Hakim ELOUASTANI

A taqubbanit

Cem d ariri ighemyen di tara

Zegga teccur tifif

Nec ffudex timesna cem ur day i tejjid

Ad ggex ijj n usekkif

Cem d asennan ighemyen deg ubrid

Nec mani mma xzaregh twarix cem d aonekrif

Nec xsegh ad uyurex

cem ur d ayi tejjid ad ggex ijj n usvurif

a taqubbanit

cem d asemmidv ur yejjin yemma tameqrant ad tessif

cem d ighes n uorur.

ur yejjin yemma tameqrant ad tgaooed s ujedjif

ur nnem d azvru iqeshen ur iyezzem ura s uxfif

mara iyzem ur yessendif.

(E_mail abdelhakim.1@hotmail.com)