Ar ismidig uzwu nm tifiras n irafan inu, ig fad astta n twwargit n tguri nm, lli nn ifln ifalan n waggu gh imanw n tkssad, ar brrin ammakn bukwdvnin s iznzar n tillas, ar asn ittagwm Marur aman ad ur tayyl tghssa nsn.

Tg tguri nm tamnukalt ilssan unughn n ufssa abrkan, ar tkka f idurar n wawal zulnin s ufdaddu n izri nm, ar tssnbadv gh tmqqa, tanna d idvrn, tggall as s urttum iluln gh ighd, tssird ixf ns s trzvi n tduri ns.

Max a tffalt isvuraf gr am d unbdu??? anbdu lli mi tsswit izmuln n tiddi nm tsghrt as idvudvan ns! isggwasn ad kkigh i tghwmas n unbdu!!! zgh ussan lli gh tsnit imalass n udm nm, ad luln imula, gn ismgan n umya!!! Ccukkun abrid adrghal s uskkattu n tmlillay. Tizi nna rmin gawrn gh usagwl n unzgum inwan g tdiklt n iwiz.

Igh tn yut uduhdu n usunfu, nkrn, gn agdud f ugdud f ugdud, ar ssutuln i waddal n unufl, ar ssuturn ad asn iml unufl mad irwas azgn n yat tguri; ma s ssumdn (ma s ttzallan) i wffan nm, ghwmanin s ighd n twwargit inu.

(Ouboubker Abderrahmane - Amazigh Fdoux Azoulid, 07 /07 /2009)

Taguri n Umawal n Tallast ad:

-Ismidg = نسق/نظم.

- Tifiras = الملامح.

- Ammak = المعنى.

- Taghssa = الذات/الجسد.

- Tamnukalt = الأميرة.

- Unughn = الألوان.

- Afdaddu = اللهب.

- Ar issnbadv = يحكم.

- Arttum = القدر.

- Tadvuri = السقوط.

- Isvuraf = الخطوات.

- Anbdu = الصيف.

- Izmuln = الندب/آثار الجروح.

- Tiddi = القامة

-Tighwmas = tuxsin fulkinin

- Askkattu = العكاز.

- Asagwl = المشجب.

- Azgn = النصف.

- Ighwma = .طلي بالشىء

- Ighd = الرماد.