Temsaman

Izvri cem d ddem n yenfar

Izvwa d ghar m acnaw icfar

Itghir ad cm yaf d urtu

Ad gham yegg hllayzu

Ad m yac tazart waxa war tezizzu

Ad am yera tafitast ad am yegg ghezzu

Maca tarwa nnem war t jin ad ig min yazzu.

Iggêd mara min ghars d tizmar

Itghir ad cm yaf d ajdvidv ad m yeghdver afar

War yuci armi ig yufa ixf nnes itqnunnuy

Zi tqicwt tamqrant n dpar n ubarran

Armi isikmmer ighzar amqran.

Wnni iqqimn yeddar

Idwer itzhhif ghar taorurt n ûanwar

Dini isggin andvr swaday iûwwar.

Ammu itmsar i ddm n infar

ighamd issufn am icfar

Wnni isinnan tarwa n temsaman ma d awar

Igga sn tcti omar n buywzan di dca d dpar n ubarran

Ad as t qqim taccint di tnyart min ghar yk yeddar bu ijarwan

Ad iqqim itic taqdift zi tawra n tmsaman

Tammurt n temsaman ntat tara n taryast

Zzays iswin irifyen s waryaz ar tamghat

Wnni mixf iran wussan nnes

Izwa d z mara tizmar i ghar s

Athyshn tawra n temsaman

Zi tqicciwin idurar idin ibdan

As yemha rimart ighzar amqran