Tawiza

Gh tizi lli gh ar ukan sul tferrak tenbadvt s tjemmaoin n ‘‘tawnekt n uzerf d izerfan n ufgan’’ d iwennan n usbughlu n tmazight, yuki ukan sul ukuray f inamurn n tmazirt negh gh kraygat tasga.
Tizi lli gh issakûy lmexzen midden s teghrart ad sghuyyun gh iswak f unughn ittuskarn f ureqqas n imuslemn, ar tzayad tawnekt gh tnefgurin d tukksiwin, ar tzayad gh watig n tghawsiwin n tudert, takw f inawwurn d imghuzn d ineqquma ighran ighaman bla tawwuri ar neqqan ixfawn nsn, tssedru inuhyutn, tsenghubu tugdut tamttit.
Mgal uya, ura teskar amya fad ad ilin inamurn gh ufra ula ad ddern tudert ighudan gh ur illa uzvladv d theggart, ffir n 50 n useggas. Amedya aneggaru iga t azvdvam d ughruc lli s yuki lmexzen f imezdaghn n Ayt Uwrir, lli ffaghnin s tsukt gh yat twada inmalan n ufra, adday ittwangha yan uorrim gisn gh ugharas ns s ugadz (ssuq), ifl d tamghart d yan igigl; ur isker lmexzen amya fad ad ittyamazv walli t inghan, abla ghar akuray d tewda d tin imughan lli gh nn iqqen mennaw inamur isghuyyun f uzerf d tidett.
Ar ghilad urta jju tlla tmazight gh ddustur, mkelli ran inamurn n tmazirt ngh gh gan imazighn d imagdayn. Amzven akkw isertanen n ufasi ula win uzvelmadv afus, myiwisn kun yan s tgharast ns ad bbin agharas i usutur ad n umussu amazigh. Rnu as masd isuturn yadvn zud ad tili tmazight gh usmal d imassn n uzversell d teghdemt d imassn akkw n tenbaddt, ur jju tt gisn tiwi, tnexxel tn. Amma tinmel d usslemd n tmazight, ila tabbaydvart, ar ittiwrri tigherdin: idlisn ur llin, aswir wiss kradv ura gis ttughra tmazight, tizi nna as ittufkan tedrus nit adelli, ar tt ukan sul segrujjumn, igh ar gis ur saqqran kra yadvn, d usilgh ura ittuskar i isalmadn gh tizi ns d s ghkelli s d iqqan a t ig.
Assaghn (ismawn) imazighn ar ukan sul ttukkasn i tarwa n imazighn, tagî tenbadvt ad tn tzemmim gh ilkennacn, zud win IDIR, AMAZIGH, d wiyyadv yadvnin. Ghikann ula gh berra n Lmeghrib, ur gis njemn, acku ura tn ttajjant lqunsuliyat ad fkin assaghn imazighn i tarwa nsn, irint a fellasn sbezzizn wiyyadv meqqar tn ur rin.
Urta jju ttufkant turakin i tmesmunin ittuskarn fad ad sewwurint, mkelli ad sn t ifka uzerf, ayelli immalan masd tawnekt ura tsekar s ayelli ittinin idvrisn n uzerf ns ula win imeqqnen d tetggarin timadvlanin.
S ghikad, ar nttinin i ugdud amerruki ula imagdayn n umadval is:
- nzawr tuzzvirt d tsertit n ughruc lli s ittrar lmexzen f isuturn d n inamurn d tghuyyit n imazighn f izerfan nsn fad ad kkisn tahggart d uzvladv d lazv d tekwmamt ittwaggen i wawal d tussna nsn;
- ra nn bapra neg tuggas ngh, nernu i tzemmar negh, nessuds tamunt ngh fad ad neg tmi i uzvdvam d unexxel d urur f tesga lli s ran ad gin taghamt ngh gh tmazirt ngh. S umgal, nemmumi huma ad nesker anawn yadvn n tghensa fad ttyakazn izerfan n imazighn gh kraygat tamnadvt g tmurt ngh, tettyakaz tmazight, tili gh tedbalin n tenbadvt kra gant;
- nra ad yili yan uswingem amaynu f tgharast n tewwuri d uswingem n umussu amazigh; nggani marra imeghnasn imagdayn imazighn ad siggeln, msasan d f ubrid yadvn n tghensa d unmilli.

Timesmunin timazighin n Tadva Azayku
imunen g igiwr n Mirlleft (Tiznit), ass n 12/03/2006
azwul: ABDERRAHIM CHHAIBI