Imerwalen

Yura t: Masher n

A t Jadu (Libya(

 Kkert ad nerwel,

 D ad yawedv galuz,

Kkert ad nazzel

 Akwu deffer anegh azduz

 nnes muhal ad nedwel

newdu nnes yezghel

dey tegrest ineghghel

asemmidv d adfel.

*****

Tella denneg adrar

yun nnes qeshen am dghagh,

Ghef s iwdan tvfen dvar

waqila tugur tetwagh.

*****

Tghessem sey s tarewla,                                                                                                                                                                                                                                                                                                                                                                                                                                                                                                                 tarewla nnwen s iman nnwen,

niyyet tella sey dula

lwend af lwend dey s dren.

*****

Tella denneg adrar 

yun nnes ibab n tilelli

wedden af lheq awooar

terrugza nnsen tamalli.

*****

Zedghen dey s sey zman,

tegrest d newdu

Agar ighusra d irjan

tmeddert tetbeddel tiru

rewlen sey s iwdan

wel tessal d sey sen kan.

Kkert ad nerwel ass u,

ameckan d ameqran

ad teqqim in leodu

ammek yetvra zman.                               

Amawal:

imerwalen:     الهاربين

wedden:        وقفوا   

yawedv:        يصل    

aweooar:       الصعب  

galuz:  الباقى   

terrugza:       الرجوله 

Ad  nazzel:     نركض

tamalli:         دائماً    

akwu:  هاهوّ   

zedghen:       سكنوا   

Deffer anegh:خلفنا    

ighusra:        القصور 

azduz: العصاء 

irjan:   المغارات

nedwel:         نرجع   

tmeddert:      الحياة   

Anewdu:        الصيف  

tetbeddel:      تبدلت   

yezghel:        حار     

tiru:    الآن    

tegrest:         الشتاء  

Tessale d:     تسمع   

ineghghel:     يصب   

wel:    لا       

asemmidv:     الصقيع 

Ass u: اليوم    

adfel:  الثلج    

ameckan:      الصغير 

denneg:         فوق    

ameqran:       الكبير   

yun:    الاهل   

leodu: العدو    

dghagh:         الحجر   

in:      الى     

Tvfen: مسكوا  

ammek:        كيف    

Advar: رجل    

yetvra:          حدث    

waqila:          تقريباً                       

tugur:  ذهبت                       

Tetwagh:       انتهت                       

tghessem:      اردتم                        

Sey s: عنها                        

tarewla:        الهروب                     

niyyet: هى                         

Sey si: عن                         

dula:   قبل - قديما                          

lwend: الجيل                       

Dey s: فيها                         

dren:   عاشوا