|
Uttvun 77, Tzayûr 2003 (Septembre 2003) |
|
|
Turezzut xf wawaren Yura t: Mimun Amsbrid (Biljika)
Beddegh, arezzugh Ggûregh, arezzugh Qqimegh, arezzugh Arezzugh x ca n wawaren Izidven d imighisen Ca n wawaren, xmi nni ten tafegh Yetmarni dayi wzyen Teksen ca x wur inu Sruqqan ay tifawin Itmeysi ufud inu Tacigh ak (d) yex inu twaysigh d takessit.
Awaren yarezzvmen tawwurt n ujenna Ssefsayen imunas, teksen tighufawin Ghettvren ifuray Ssiriwen tudart.
Awaren nni djan, zeg ami yedja yires Maca ar d adfen deg izri, I ghad irin s tidett: Iticc asen tfawt Itegg asen tiri Ddakkûren d arrimet Xafs azzvri, xafs tcuni.
Awar war yedji d awar huma yedwer d arrimet Ar tafed ghares addud Ad afed ghares tiriwet.
I yizri minzi yedja? I yizri min zi ytiri? Xmi nni itemsagar wawar aked uyezzim Teksen aya d wgya, Ad tafed war temsebdvin Ddakkûren d ijjen: D ayezzim yessawren Nigh d awaren iyezmen. (Mimun AMSBRID, 24/12/20003) |
|
