«Imsiggeln n ixs» n Tahar Djaout

 Yura t:  Larbi Moumouch

Tahar Djaout iga yan gh imaratn idzayriyn meqqurnin ittaran s tefransist. Ilul gh yennayr 1954 g Ulxu tama n Azeffun, di tmurt n leqbayl. Iga aneghmas (journaliste) gh Alger-actualité, Rupture,… Yura mennaw  wallasn (romans) d umudn n tmdyazin zud Amlilley amsuqqes (solstice barbelé), 1975, Tizveghrvin n unegmar (les rets de l’oiseleur), 1984, Andvafn (les vigiles), 1991, allas aneggaru nna ghef yumezv Tasemghurt Méditerranée.

Imsiggeln n ixsan iga yan gh wallasn fulkinin n Djaout. Iffagh-d g tezrigin n Seuil aseggûs n 1984, yili g 144 n tasna (pages), ibdvu f krattv n tfulin (parties), tamezwrut tmeqqur, degs tzva n igْezman; tis snat gis semmus; tameggarut, Kkuzv.

Taneqqist-ns ar tsawal ghef tudert n yan igherm g Leqbayl, ussan idvfern annegmedv (indépendance) n Dzayr. Imezdagh n igherm-ad ghetsen ad siggeln tighessviwin(corps) n imnaghen-nsen (dépouilles des combattants) immutn  g imenghi n usderfu, hima ad tn digh mdveln g darsen. Ttuskarent terbioin d trubba n “imsiggeln n ixsan”. Iffegh yan ufrux, lli d imunn d yan gh imawlan-ns Rabah Ouali, ifel igherm-ns bac ad isiggel ixsan n umas ameqran. Tebdu yat twada ixatern, ar ttekkan idvuran, igherman d temdinin, nna g zvran tudert yadvn, afen degsen yan umadval amaynu. Telkem tizi n ughul adday ufan taghessva n gmas, gen-tt id g cwari n ughyul lli yasn igan asemmun.

Mac ufugh ur igi am ughul. Icirri-degh lligh iffagh igherm-ns yummer bapra, acku issen is rad iluh azvazvu n tmara d tesbekt (monotonie) lli izzvadvn ioerrimn am umas. Tayri-ns meqqurn ad izver igenwan d igamatn nnidven tssimghur-as tadawit d tumert, terzvm-as tifelwin n uswingem d twurga. Lumn (surtout) igh nessen izd tikkelt tamezwarut ad nn iga advar berra n igherm-ns.

Tayri idusn lli s rad isyafa, tga-tt tudert tamaynut nna jju ur izvra g udrar-ns. tudert fejjijn, ihlan g kraygat tasga n tudert: tiremt, timelsit, tazdeght. Aylli yas bapra yiwin tittv ̣ d tilelli lli yellan gher midden, d umussu-nsen d wanawn n tezdayin gerasn. Asurs-ad (situation) amaynu rad as d ifel yan udriz (influence, impact) meqqurn g unelli-ns, ra t yawi gh tgira n wallas ard isaqsa itsen n iseqsitn xef temyurin d kra n iswingimn d tghawsiwin iddaln tudert n udrar, ikkerfen tighufiwin n ioezriyn, ineqqan asirm g ulawn-nsen.

Agezzum aneggaru ad bapra izviln g wallas, acku ar immala tigira n tewwuri lli s idda urba-nnagh: ad d yawi taghessva n gmas. Wannagh ur sul igi mkelli iga g tizwiri. Isenfel-t (transformer) umuddu. Awd asemmaql-ns f umadval n igherm d win n ioerrimn infel neghd immeskel (changer): «ughul-negh iga ughul war tamanegt (gloire) meqqar tella tyafut tanamtagt tbutin précieux)»,p.138. Ar iswingim xef tukrist n ixsan nna d iga g cwari. Max tamara-yad akkْ lli nut fad d nawi ixsan uma: ad tn nemdvel gh igherm-degh nna jju ur ihmil uma di tudert-ns? mami iga  isiggel-d, izd ad nesker s lxater n willi ddernin (imawlan-ns), bac ad tpennan s yat tikkelt gh twurga-nsen ixcenn, ir ihlin?

Issenti ilemma umals / ulasay (narrateur/romancier), lli isawaln s umqim udmawan (pronom personnel) «nekk», yan uswingem ghef tmettant (lmut) d tidmi isdepcarn anelli nna g ireks udriz n usegd (ddin) d umiy (mythe). Maca alasay ar ikkat, ar iffern (critique) zund man iswingimn-ad percnin s tgharast tarusridt (indirecte), irzvem tifliwt i wefran n temyurin irkemn, iluh nn fellasent yan usemmaql atrar (moderne), hima ad isenelli (rationaliser) aswingem n wamun (société) d ad izzef (dévoiler) tudert tamezvludvt nna g tteddern midden n igherm, neghd n ugama (milieu rural). Yat tgharast iffern bac ad yini ulasay nwis (masd) walli bapra immutn ger imettann iga-t ugdud n ugama.

Yat g tefras (aspects) lli yakkan tamimt i wallas n Imsiggeln n ixsan ar tt nzverra g ufran n ukabar asertan nna yujjan addad (état) d usurs n wamun g umras-ns lli g tt ifel usdurrey (colonialisme). Gh wallas, akabar-ad asertan itṭefen ittvfen tanbadvt ̣ yiwi-tt ghar gh isvahatn d iglamn-nnes (privilèges): “inesbaghurn (riches) lli bedda, lli ijber / isfellet (épargner) unnegmedv n tmurt d inemghurn (notables) nna isbugher unnegmedv, ar d tteddun bac ad zzegn / ssenkden (assurer) d ad sserghden / sburken (bénir) ullughen neghd aydan-nsen (biens)”. P.58. Isvahatnd uglamn lli rad isseghlul / issedum ighimi-nsen g tenbadvt.  

Gh tgira, tighri n wallas-ad ar temmal nwis / masd asiggel n ixsan n imnaghen, ukan asiggel n izri (passé) d tmettant, iga yan udm iffern n wamun, udm iffern n midden lli ittaghul / ittiwerriyn s dvart s izri, bac ad teffer / tehbu tarezmert-nsen (incapacité) ghef uswingem g imal, ur izvdvarn ad immagh d tilawt astt isenfel, isiggel tigharasin ittawdven d issawadven gher tudert tatrart, d ifsayn n imukrisn-ns d win imal.

 (Larbi Moumouch)