Tawiza

Itesburhuh dag i, itesburhuh deg wzeobur inu aqbur. Ira (ixes) ad ayi t yeksi. Fkigh as 50 n isantimen d isebbunya. Iqada yi qadigh t, yuyur. Ssuq yedoezz s inen yeznuzan ifarisen (produits) n macca, d arrudv n drvarvet d inen imayna gi thuna nigh wansa (place) n ssuq. Day s inen i gha tafed yeqqim, day s inen itsaran. Tafukt teggur ad teghli, inighan (voix) n aradiyuyat (radios) aoraben ntesla sen zi thuna. Uyuregh ci n tusdinin (minutes) gi ssuq. Sseqsigh ijjen iteznuza arrudv n drvarvet x lqepwa n ssi oebdella. Isvneot ay t s ufus s ufafi, asel ad ayi yar taynit, uxa (uca) isighi itragha s watig (prix) n arrudv s utvaytvay. Ci ikessi t x ughir, ci ag ufus.

X uzervmad n tewwart n lqepwa ict n tefrvuyt x as macca: iselman, d lferfer kenfen gi toervwant (huile), timedjarvin nwant deg aman, d ukurric n uweghrum n imendi. Izan, marra x asen tneggazen. X ughezdis i tgharghart (cuisine), ij n ttayfur d ameqran yus d buziyrari, ndven as d ci n iwdan tiraren lkighdv (carte). Innidven nnuqaren as d yij n ttayfur d amezyan. Olayen marra (akw) idsen tkemman tiqjiyrin (lkif). Zzeltv itman d x ttepzizt d warrudv nsen. Ci idsen zzag sen arrin ayi taynit. Qqimegh ghar teghmart , ag ughezdis inu ij n ttayfur d akkuh (d amezyan) ixxiccu. Ssutaregh zeg bu-tgharghart (cuisinier) ij n watay d aziyzaw s nneoneo.. Gi twengit inu d netta d ssi oebdella. Ij uwessar yeqqim yudes ghar i, iteznuza tiqjiyrin. Yesmetca yi d (rappeler) s “oefyuna“ gi lqepwa n ssi muh g tvanja (tingi). Wwigh zghar s ict n teqjiyart. Iccur ay i d ij n cqef zeg “lmetvwi” in s. Mermi mma ttaregh as ssebsi, ad ayi t id yessigh yeccur s lkif in s. Necc oawed as t arregh yeccur s lkif in u. Ad t ikemma netta nigh at yuc i ci n yejjen yeqqim yudes it.

yuyay d ssi oebdella yatay. Sseqsigh t x Miludi ameddukel n Hasan Zzilaci.

-Ci n kradv n uwessan ur (d a) d yusi.

-2-

Ar tduggat yarn ay (igherbay) lkif d lazv d tberraniyt. Hervwegh zeg atay n ci yedsen. Waxxa ula d nitnin hervwen zeg wen inu, tacigh nnumegh akid sen. Ssiwlegh asen x tittvawin d tvanja d wepran, nitnin ssiwlen ayi x leorayec (aoric). Ijjen zzag sen yenna :

-(la) ttinnin tvanja tetru x wen wa tyezvrin, ma wen t yezvrin netta ad xa s yetrun.

-d taqburt (d tazaykut) trenna (vaincre) akw wen i t itexsen.

-Tuqehbent s uoiyeq tesbater mayn dag s ifulka .

-maca tghuda u amezruy nnes d aqbur.

Oegzegh ad fghegh ad arzugh mayn gha ccegh. Tasmaqqalt (image) n izan ig zvrigh wami i d udfegh (rexxu weddvaren), tzedjeg ay d ul mermi xarsegh ad raghigh x ci macca n lqepwa. Gi tuggut, ur toiffigh macca ad tirvi mamec ma txes ad tirvi. Aghimi d udmawen ixiyqen ssihrven ayi. Idves itawiy ayi. Ad qnegh titv oawd ad tent arzvmegh s udeldel (s arxu). Marra mayn twarrigh twarrigh t yesrvaw. Amata (majorité) n iwdan i tugha yedjan gi lqepwa uyuren. Ticaliyin (chaises) d tvwafar waxxa d nitnin ur djint. Ddaregh tittvawin x kradv n iyexxamen ig yetwaqnen. Deg wxxam i d yusin arendad (bnid) inu, udfen ci imeghban oawed fghen d. Tiwwura nnidven qnent. Itman ay (paraître) zeg tewwart n uwexxam ig yennurzvmen ij n ujartir d netta d marra d tassut i dag s yedjan. Xarsegh ad sseqsigh ssi oebdella x watig i yidves g ij n uwexxam zeg wxxamen a imedziten (communs). Upu! yuccel (itwarrem =falloir) ad quwregh. Ur ssinegh mayn d ayi itrajan gi teghremt a (cette ville)! Yuta yi bab n lqepwa deg wjimman. Nec tugha zpigh.

-ad neqqen (ad nbelleo).

ij n kradv n yudan unudven i tvayfur n liraret tkemman lkif. Ssutaregh zeg ssi oebdella ad ayi yejj ghar s aqrab ar wasekka (tudecca). Yettar zzag i ad as ssecnegh mayn dag s yedjan: sin n tesmaqqalin inu quwrent (mises dans des cadres), ij n userwal, d tyuga n tqarcar.

Ucigh s uzedjif deg wbriden n teghremt. Ur tedji tujjut (lefwah n imehdviyen: d imsulta (policiers) nigh d ioessasen n thuna n temnadvin (lhawmat) d tumubinat, amaknaw gi tvanja. D azgen n yidv nigh ataf yeoda. Gguregh nic weddvaregh. Ur dag s walu, yessaggûd. Akudv (temp, météo) jar-ujar (modéré). taziri. Annar n uwesgenfi (aire de repos) itsijja xwayel (mer). Tifawin tesqiqqirent deg ayel. Xarvsegh deg idv n tvanja ig iteggen imezran ineqqen. Xarsegh gi tgemra nnes gi: "ras lemnar" , "malabatva", "ifran n piraql", "sidi qenquc", "lemrisa", d "rmel qal". Necc da aqa yi d iwen (seul). Taziri ad teffar ad tman. Zeg tebhirt n wennar, qedvwegh d ict n tnewwact, gigh t ar tenzvar. War ukigh aked ixef ag walu. Tinewwacin zilen t. Tghawsa: tujjut walu day s. izvri (beauté) yemmendvar. Ad yirvi (peut être) suya minzeg teqqim da tnewwar ar gha tazzegh nigh a tetwaqdvu ader-taynit (par hasard), ruxennit a tetwaofes. Ur ghar i walu ad x as ugdegh ad ayi yettuzel deg idv a. Temsaray amknaw tanewwact a i rebzvegh dghi jar ifassen inu ad tvsegh da nigh deg ci n uraq nnidven. Leowin n wayel yessendvaw ayi cway n yidves.

Dvurvegh d ar lekbibat . Bbutvhegh ad jnigh g uweoric (aseqqif) n ict n tyurt n wansa (place =sahah). Ggigh azedjif jar ifassen inu ig itwage man s nnej ifadden. Ayen qqimegh ur ttvisegh, ijjen ur sedjegh i tikrvi nnes deg ansa. Ict n tghawsa ur d ayi d tusi ghar twengint. Waxxa yef ighennijen ig texsegh tasen d irvi uyuren. Tawengit inu tetwaghedjerv zund tessired: am xermi ur dag s xemrvegh ula d iwen uwektay (souvenir) d abbah ad ayi yesservpa.

Azedjif inu takigh akid s iteqqes cway. Irvekkiy. Itawey ay d arebbi (akuc) aqa tesvigh i titay n wul inu. Ad yirvi (peut être) s umentil (à cause) n tehcict d lazv.

Kregh zik (zic). Nbula inu teccur s igadden (iburvan). Ggin ay takmawt (lehriq). inat inu ibedd. Ansa n sebbanya (place Espagne) yeggur s iwdan. Sghigh ict n bessita n tcurru (churros: aren yeknef gi toerwant, teggen t isebbunya). Gi lkanif (w.a.c) n lqepwa, igadden anu tarvin deg wjenna am treccact. Aserwal d ifassen inu uffen (bezgen). Swigh ict n lqepwa s uceffay. lqepwa ya n immutay (voyageurs). lqepwa n ssi oebdella oad ur tennurzvem. nyigh Deg wmesnay n temnatv tamaynut, rezzugh (tcucegh) x ugherbaz n "lmuotamad bnu oebbad". Tamnatv teccur s ifudvar d toejjajt d wefradv d tmura n lbur. Tudrin nnes d ixbac twaggen s uqezdir d ucarv. imezdagh d imesdurar (compagnonner). Udmawen kkarfsen zund ixardvidven nsen. tarwa nsen barvdven , tburven ag ixbucen nsen. Sseqsigh aoessas n ugherbaz is zemmargh ad msagaregh g umugay ( directeur). Yarra d x afi:

-max trid ad kid s temsagared?

-wwigh as d yat n tebrat.

-awi t id.

-nec ssekken ay d as tefkegh ar ufus nnes.