UDEM AMXIB (5)

Y ura t: Lhusin  Zergi (Tinejdad)

Amm nek amm kem. Igellinen ayed nga. Nedder deg uzaglu n ddel d timmuzdert agh iwtan akwmamen (clou) ger tuyat. Nedder deg umelleq akuyas (honte quotidienne) anegh ikerfen, anegh imeggern iseknaf (entrailles) s ijenway...

Kem tsusmed. Nek susmegh. Netta issusem... Ulac awal ghef  tlelli, ghef ibniqen, ghef lehkam amessas.

Nnan: "Imi iqqnen urda t kejmen yizan", "Igidar lan imejjan" "Icekkamen n lmexzen llan g mayed igan adghar"....

Nek nnigh: "Siwel negh qqim, wenna yessusmen amm wenna yemmuten".  Kem tsusmed ihi (donc) temmuted. Nek sawlegh maka ur ssinegh is mmutegh midd sulegh ddregh. Di tmurt inw wenna ysawlen immut.Wenna ysusmen immut.Wenna yemmuten yummer...

Nnigh ger i d ighf inw: Amm nek amm kem nekkucem. Neswa seg waman n tlufa, nsusem,nekkes fad anegh izedghen deg uzaglu nefferfed. Tasussmi nsul nessusem...

Amm nek amm kem. Ran ad anegh kksen seg tudert. Ad nesghuyyu deg umagha (desert) n tudert amm iydan...

تSeg wass g ten id islutef Ccam (Syrie) ayed neswa xub asemmam.ت Sselwun aghed inighan. Kerzen ger anegh asennan. Kerzen ger anegh acekkam. Nekwni ger anegh nettemcerrag. Ger anegh netnagh amm wuccan, amm icenga. Ayla nnegh ger asen ttettant. Griwel a yudem amxib ghef uretbi d Urumi, ghef yidles  ahraymi, ghef wudem n igdi... Swan tidi n ighsan nnek, tcen ak tiseggwin, nebren tilawt nnek, kksen ak anamek(sens). Key tessusmed. Nek susmegh. Netta issusem.

Isul itteddu.

Lhoussain ZERGUI Tinejdad