S tallit taqburt ad naf imazighen n libya wel ukzen c azal n urar ghen cra di tasekla n tasertit, ula s izvray n idmi n amazigh d ilelli. Temmut tamektit n yudan nnegh? alemmi yellul assuggas 69, tagda d tamettant tamesslayt tilelli. S 70 al isuggasen 80, yekker amennugh jar idmi aorubi d idmi amzigh g acal n libya. Lemmi ad nezzver ad naf gher negh yudan tedder g lazv d fad, lhif n tugdut di tilawt mi tharrek d ghayyer xarittv n amadval kanc tawalt idjet, tasertit.

Ass a g tamnadvt nnegh tamazgha, tutven s attvan n tamseghrit (tagherbazt) taorubit. Inaonac nnegh ddren tumast lhif n tadelsant; amezruy, tasekla, ula ad nettu ujjed. Talgha imira i tusnaktit tanebadvt, tasertit taorubit di libya macci tezzvu in tamelghight yudan d meddan n tadelsant.

S 40 issuggasen n leomer tanebadvt n 69; in tiru wel yella c gher nagh tamughli n imal, imal amezruy, tagherma, tadelsant, almad ula imal tmagit nnegh g amadval yetbeddel s azal i wazal. Matta yeqqim g libya kanc icermadven n tabulisit, 40 issuggasen azwil d ameqrar i meddan iqqimun d jujufen tilelli, tilelli n tugdut ani tidett ayari aghref nnegh, di tmurt temmut dis tira, ula tira s fus ad terr tanetit n tmurt nnegh, libya d ides tamazgha. S alemmi ad nerr tanetit a nejjem ad nxemmem s idmi n umazigh.

Magher ad nessiwel s idmi n umazigh?

Di 1969 yeffegh af tizi amennugh n ametti, agraw qqarn as Amussu tigrawliwin di libya. Yeffegh agraw wid d ghres awal d tira tatrart af amezruy nnegh di tamazgha. Iggen ujjed amaynu semmant TAORUBIT, ani ametti n uzarug af tagherma d amezruy nnegh azvar n tmagit, tuli iden timeslayen n tirbaot n imusnawen ilibiyen g lmahudv nexs anutlay d anari s tidmi nnegh.

(Ifran-Libya 2010)